اخر فتره ليا بقيت عندى حاجه كدا لقيتها مره واحده ظهرت وظهرت بشكل كبير انى افضل اتفكر فى خلق ربنا بكل انواعه من نبات حيوان انسان حشرات تخيلوا ان ربنا خلق كل الامم دى بتفصيلها الموجوده عند كل وامه فيهم من بدايه خليقه الى نهايتهم تخيلوا يجماعه ان النمله ال بتلاقيها واخده حبه سكر واقعه دى ربنا ال رزقها بيها وان فى نفس الوقت الفيل الكبير الضخم برضه بيلاقى اكله ال ربنا رزقه بيه سبحان الله بجد

الواحد كل ما بيتعمق فى الحاجات دى بحس بجد بنبضه روحانيه كدا بتخلينى اتعجب من امر الله سبحانه عز وجل انه بيرزق كام انسان فى كل يوم وكام حشره فى كل يوم وكل واحده ليها نهايتها بالشكل دا وفى نفس الوقت كل انسان ليه نهايته بالشكل دا تخيلوا يجماعه قد اى سبحانه وتعالى دقيق فى افعاله ورسم لكل حاجه هو خلقها طريق من بدايتها حتى نهايتها سبحانك يارب.

بجد التامل دا من افضل النعم وافضل العبادات ال ممكن تخلى الواحد يحس براحه واطمئنان حول رزقه او حور مستقبله لانه على يقين تام انه بامر من الله عزوجل

وال يخليك تتفكر فى حاجه زى كدا بالعلم والمنطق برنامج "العلم والايمان" للعالم النابغه القدير الدكتور مصطفى محمود الله يرحمه ويحسن اليه هذا الرجل فعلا نادر انه يتكرر فى كل عصر كونه يتحدث بذلك العلم وبذلك القدر من الايمان فى العلم سبحان من رزقه هذا العلم حتى يوصله لنا بهذه الطريقه.

اتمنى من كل شخص جميل يقرا المساهمه البسيطه دى انه يقف نفس الوقفه وانه يعطى لنفسه وقت فى انه يتامل فى خلق الله عز وجل.

هل فيه احد هنا بالفعل بيقوم بذلك العمل الجميل؟

ممكن تشاركونا لحظاتكم بحيث اننا نقدر نلاقى اراء ونستفيد بطريقتكم الخاصه.

دمتم جميعا بخير.