رأيت فيديو لداعية شاب علي الفيس يذكر قولأ لأبي الفرج بن الجوزي نصه :
"وينبغي للمرأة أن تعرف أنها كالمملوك للزوج، فلا تتصرف في نفسها ولا في ماله إلا بإذنه، وتقدِّم حقه على حق نفسها وحقوق أقاربها، وتكون مستعدة لتمتُّعه بها بجميع أسباب النظافة، ولا تفتخر عليه بجمالها، ولا تعيبه بقبيح إن كان فيه"؛ ا.هـ.
" أحكام النساء"، ص (72 - 73):
وعلق أحد الأشخاص قائلاُ " طب ما يرجعوا أسواق النخاسه أحسن"
وهذا ما جعلني أفكر ما الفرق بين ما يقولونه وبين العبودية الصريحه !
و ما خطر في بالي أن الفرق أن في حالة شراء جارية - لو وجد سوق - سيدفعوا اكتر والفقير لن يقدر علي الشراء ،وبالتالي العبودية عن طريق الزواج اوفر ، من المضحك حقأ أن نتبني تعريف للزواج يساويه بالعبودية ثم نسخر من الأسر التي تفكر في الماديات ونصفها بأنها تتاجر ببناتها ، وكأن عقد الزواج هو عقد عبودية مجانية .
الموضوع بدهش مشاعر فارطة..
إحنا بنحكي بالمنطق قاعدين فبلاش المشاعر لانو حرفياً اقتصاد دول كان بيعتمد على العبيد وحياة العديد من العبيد كانت بتعتمد على العبودية عشان الاكل والشرب واللبس انت/ي بتتكلم/ي من وسع ومش فاهم/ة شو كان يصير في التاريخ..، ايقاف العبودية يعني آلاف من العبيد رح يرتميوا في الشوارع والدول رح تنهار وممكن يصير في حروب على الموضوع وهذا مش المطلوب في الاسلام لانه كان لسا في بدايته فالطريقة السلمية عشان ما يصعب التفاهم مع الناس على الرسول هي انه يحطه كفارة لكل شيء وحط قوانين للعبيد تنصرهم وصار العبد بيقدر يشتري حاله من سيده والسيد ممنوع يرفض وقوانين زي هيك حسنت حياة العبيد شوي بس طبعاً حتى هذي الكفارات والقوانين أخذت وقت لتمشي لانو العبيد كانوا منتشرين بشكل فظيع والاسياد مش رح يقتنعوا بتحريرهم مباشرة فأخذ الموضوع وقت لحد ما صارت الكفارات تمشي فما بالك لو كان تحرير كامل للكل.؟ كان حرفياً صارت حروب..
وبعدين أوروبا الي بتحكي عنها هذي...اسوأ انواع الاستعباد كان في أوروبا ومش رح اكتر في الكلام أو أخوض في تفاصيل لأنها مشينة بصراحة أكثر من اني اقولها وموضوع انهم غيروا المسمى ما أثر كثير لانو حرفياً العبيد ' أو القنان ' كانوا ملك لاسيادهم حتى انفاسهم ملك للسيد تاعهم فهل هذا احسن من العبودية يعني ولا مشكلتك مع المسمى في الأصل.؟
وبدي أفهم..متى صرت انا بدافع عن العبودية..؟.. أنا بعطيك سبب ليش ما حرمها الاسلام لكن أنا ما بدافع عنها أنا مقتنعة الإنسان ملك لنفسه وربه وحياته وموته بايد رب العباد فقط..
ولعلمك..العبيد وتجارة العبيد لسا موجودة..مش ضروري يكون علن بس هي حرفياً موجودة وتجارة الاعضاء وغيرها قصص كثيرة..وحتى لو في دول منعت في قوانينها تجارة العبيد هذا كله ظاهري..
انت/ي بدك تطمن/ي نفسك أنها مش موجودة عشان مشاعرك الخاصة بس هي موجودة...عدك بترجع تقول لا والقوانين ومدري ايش وعقوبات وابصر ايش ..الفلوس بتسكت الحكومات ، إذا اندفعلهم منيح بيفكروش يفتحوا حسهم حتى لو كانوا منزلين قبال الشعب...في مثل شعبي صادق جداً بيقول الفلوس بتغير النفوس..وهذا هو الي ماشي في العالم حالياً...قد ما يكون الشخص مبين منيح ممكن يتغير بمجرد ما تدفعله شويتين حلوين وبيعاود يخرس حاله طول العمر..هيك الدنيا ماشية..
عادة ما بحكي بلهجتي العامية عشان مش مفهومة للبعض فبحس يمكن ما تفهم/ي شوي من كلامي..ممكن أوضحه وممكن تبحث/ي عنه الي بدك إياه..
التعليقات