🎁 قواعد التعامل مع الطفل العنيد 🎁
..........................................
-ماما ينفع ألعب؟
-لأ.
.لما تخلص الهوم وورك الأول.😩
-ماما ينفع ألعب؟؟
-أيوا طبعًا ينفع ياحبيبى، أول ماتخلص الهوم وورك هتلعب.✅😃
ودي القاعدة الأولي💁 من قواعد التربية الأربعة لتسهيل الحياة اليومية مع الطفل العنيد:✅️
مابنقولش لأ أبدًا (لأ بتحسس الطفل انك ضده وبتستفز عناده، الطفل اول مابيسمع كلمة لأ، بيحس أن حريته بتتقيد وأنه لازم يدافع باستماتة عن حقه، فيبدأ يعترض وينفعل ويعند)✅️
القاعدة التانية:💁✅️
بنطلب اللي عاوزينه منهم بأقل عدد من الكلمات، وبهدوء ومن غير زعيق، ولو رفضو بناخد رد فعل يعني الكلام بيتقال مرة واحدة بس.✅️
مثال:
-من فضلك حبيبي لم ألعابك من الأرض.✅
-لأ.
-معاك ١٠ دقايق تلم ألعابك، بعدها أي لعبة هتكون ع الأرض هناخدها دولاب ماما ترتاح أسبوع ومش هيكون من حقك تلعب بيها.✅️
لما بنقعد نزيد ونعيد في الكلام ده بيحسسهم أننا سهل نتشد لجدال معاهم، ومابياخدوش كلامنا علي محمل الجد.❌️
القاعدة الثالثة:💁✅️
هنديله اختيارات، لما بنعمل كده الطفل بيحس أنه القرار في ايده وده بيخليه أهدي و أقل عِند.✅️
مثال:
بنزور ناس أصدقاء وابنك بيلعب مع ولادهم، مش فجأة تقولي ياللا عشان هنروح، قبلها بنص ساعة قوليله:
-حبيبي تحب تلعب مع اصحابك ربع ساعة كمان ولا نص ساعة؟✅
أيًا كان خياره هنحترمه وهنروح معاه فيه.
القاعدة الرابعة:💁
لازم نوريه اننا متعاطفين معاه، الطفل العنيد بالذات بيبقي حساس جدًا ومحتاج اللي حواليه يوروه أنهم فاهمين مشاعره، ولما بنطلب منه حاجة بنقوله من فضلك ولو سمحت.✅
مثال:
المثال اللي فات نبهناه قبل المعاد بوقت واديناله خيارات، دلوقتي هنقول:
-ياالا حبيبي النص ساعة خلصت.✅
لو بدأ يتعصب ويقول لأ مش عاوز امشي، اديله حضن وقوله:
-أنا عارفة أنك مبسوط باللعب هنا وعارفة أنه صعب عليك أن وقت اللعب يخلص، عشان كده هنيجي هنا تاني، لكن دلوقتي لازم نروح.✅️
العند عند الأطفال مفتاح الابداع والابتكار👌
سيب ليه مساحه التعبير عن رأيه وفكره💪✅️
حبوهم وحسسوهم أنهم مميزين وأصحاب قرار.❤️
حضانه بكره احلى لذوي الاحتياجات الخاصه
التعليقات