هاي اول مساهمة الي بالغه العامية حبيت اكتبها بهاي الطريقة لاني بحكي هاد الكلام من قلبي واعماق عقلي بنفس الوقت
بدي احكي اكمن كلمه وهي رسالة حاب اوصلها للكل لاني مليت حرفيا من الي بصير و المشكله انه بيصير بكل العالم بشكل غبي كثير
وهو
احنا ليش منحكي عن الناس ومنحكم عليهم !؟ بأي احقيه ؟!
انا هون ما بحكي عن الاشخاص الي بحكوا عن فئه كامله بعملو اشي غلط
يعني مثلا بنتقدوا الاشخاص الي بعملو شغله معينه
مثلا التدخين
انا بحكي انه التدخين شيء خاطئ هون انا ما خصيت حدا معين بس فئة معينه و تَصَرُف معين انا هون ما عندي مشكله فالناس الي بتعمل هيك
بس
الناس الي بتستفزني هي الي بتنتقد الشخص نفسه بكامل كيانه ووجوده البشري
مين انت لتحكي عن حدا بكامل صفاته وانت اصلا مش كامل ؟؟؟؟؟!!!!!
احنا بني ادمين وما حدا منا كامل طبيعي نغلط كل يوم واكثر من مرة كمان وطول ما منفكر و النا افواه رح نحكي ونعلق على الرايح و الجاي وهاد اشي طبيعي
بس
يا ريت نبطل قرف وننتقد ناس الي بتعمل اشياء احنا بحد ذاتنا منعملها بس لانه احنا منكرهم شخصيا بشخصهم ذاته مش علشان تصرف غلط عملوه مننتقدهم ومنشهر فيهم لانهم عملوا اشي غلط احنا منكون عاملينه قبل هيك او يمكن احنا منعمله كل يوم
وما ننتقد ونعلق على اي اشي جديد وخارج عن المألوف
بس يا ريت احنا ننتقد ونحارب كل اشي خارج عن طبيعتنا البشرية وفطرتنا الي نولدنا عليها ونحاول نصلحه
ومش انت على كيفك و مزاجك تحدد اذا غلط او صح
واذا كان تصرف منيح او لا
بس في معاير معينه عميقة ومدروسة بتحدد
اي اشي خارج عن الطبيعه البشرية او بإذيها وممكن يكون سبب في تقليص الاعداد البشرية او حتى يهدد وجودنا البشري هاي هي الاشياء الغلط
وبس يا ريت تكون مشاعري وافكاري وصلت لكل حدا قراء المساهمة
الي كتب هاي المساهمة مش Gust Someoneبس الي كتبها كان نصر الدين
ملاحظة : نصر و Gust Someone هما نفس الشخص
التعليقات