وبعد الفكره الكويسة ؟

انا قبل كدا فتحت مجتمع حسوب بالصدفه، عجبني الكلام و الافكار الي فيه، حفظت الموقع عندي على اساس ارجعله بعدين، ومرجعتش غير بعد حوالي سنه دلوقتي اهو

المجتمع فيه كلام جميل وافكار كويسه وناس بتفكر وتلاحظ مشاكل او تناقضات ف المجمتع

طب وبعدين؟

ده حاجة بتتعبني، انا انسان بخاف اتكلم فحاجة الي حواليا مش بيتكلموا فيها او حاسس انهم مش هيقبلوها، ومش انا لوحدي، ومحدش يسبتعد نفسه

في مشاكل موجوده وعرفتها، ووصلت لسبب المشكله واتضايقت مبدئيا من وجود المشكله ده، طيب وبعد كدا اعمل ايه، اصل التفكير مرهق، هو حلو ان في مكان اشارك فيه الافكار ده والاقي ناس بتفكر كدا لكن برده مرهق

انا قبل كدا كنت بتعلم برمجه ومكنتش بطبق كتير او مش بالشكل الكافي، ولما كنت بطبق مكنتش بنشر حاجة على السوشيال ميديا والي هو اول حاجات المفروض اعملها عشان اشتغل

من هنا لما استوعبت وعرفت تضييع الوقت والجهد الكبير جدا -3 سنين بصحى فيهم لوحدي من الفجر عشان اذاكر- نظرتي بقت مختلفه تماما عن المعلومات، المعلومه الي مش هقدر اطبقها او على الاقل انشرها لحد تاني يستفيد بيها يبقا ملهاش لازمه، لاننا هنساها مع كتر المعلومات الي بتتعرض عليا ومع كتر افكاري انا شخصيا

فكذلك الافكار الي انا بوصل ليها او بفكر فيها وبستهلك فيها جزء كبير من طاقتي ده بقيت بحس ان انا لازم استفيد بيها او اوقفها، وانا معرفش اوقفها فلازم استفيد بيها، وحاسس اننا مش قادر استفيد بيها او انفذها او بنساها علطول عشان تيار الافكار الي شغال فدماغي عموما

فانا حاسس بمعاناة من مشاكل الي فالمجتمع الي انا الوحيد فالناس حولي بفكر فيها، وحاسسب بالعجز واننا مش قادر اعمل حاجةبسبب خوفي وبسبب تيار الافكار الي عندي