فتحت عيني لقيت موالها باش هايم
قمر في جنتها تبعتلي قمر هايم
يا ريتني تحت الرايات طالع بمحملها
بشيل وأحط النايات وبغني موالها
آه لو سقاني الندى فنجانك البيشة
لو أعدي من ألف عام في الدنيا تحبيشة
أنا اللي عامل تسالي بالمزاج والقهر
بقول بلادي كما يقول الهلال الشهر
وم الحنان اللي سمّع زي ريحة الزهر
بزود المهر شايفك راضية يا هانم
***
مفيش في الأغاني كدة ومش كدة
يفرقنا عن بعض بالشكل ده
***
يا مصر اللي جايبة الشجر من زمان
وشايلة الضفاير على البرتقان
وقبل الأوان اللي قبل الأوان
بتحييني أنفاسك المسعدة
***
يا حلوة كلامك تحبه الودان
يشمسني في الدروة زي الميدان
يمشيني بين الحيطان الغيطان
عروسة وحصان في القمر والعدا
***
عنيكي تغمض وتفتح يبان
سطوح الليالي عليه الأمان
وبحر الدرة من ورق الامتحان
وبتغني موّالي يا مولّدة
***
بحبك كأني طليق العنان
وزي العجوز اللي دق البيبان
وزي الكتاب اللي كان يا ما كان
وزي الرصيف اللي في السيدة
***
أنا اللي زرعت البيوت والعيدان
ما يمنعش عقلي شوية جنان
هيرجع لاسمك رنين الحنان
قتيل المحبة يلبي الندا