رصيف نمرة خمسة والشارع زحام
وساكت كلامنا ما لاقي كلام
تسالي يا خال تدخن يا عم
تتوه المعاني في لسان اللجام
كلاكس الترلي بيسور وداني
وشحتة المزين بياكل وداني
يا نادي باريس، تعالى وحاسبني
وجدول ديونه عشانه وعشاني
وعبد الله رشدي المحامي القدير
بيرفع قضية في باب الوزير
على عم فكري بتاع البليلة
عشان مرة زعق بصوته الجهير
بقالة الأمانة ونصحي السروجي
عمالين لي شركة في مشروع بوتيك
ونادوا لعبده الفرارجي يشاركهم
فرد بالأطة محبش شريك
وجت وقعة سودة في سوق الإمام
عشان عم لمعي بتاع الحمام
مقدرش يوصل لأي اتفاق
مع سبع افندي في قضية سلام
وأطفال عجايز في مهد الطفولة
وأفلام قديمة وإعلان كاكولا
تبزنس تعيش لآخر حياتك
ولو باعوا فرخة هتاخذ عمولة
ترماي بسنجة في روض الفرج
وأعمار تعدي لا يجي الفرج
ولا البحر باين لآخره مراسي
ولا حد راسي منين الفرج
رصيف نمرة خمسة والشارع زحام
وساكت كلامنا ما لاقي كلام
رصيف نمرة خمسة
