یا صباح الخیر
یا صباح النور
ع الجلابیة وعلي الأفرول ..
❊
یا صباح الفل
یا ست الكل
یا سھرانة
قدام الفرن
تسوّي عشان الكل فطور
❊
یا صباح الورد
دي فاس طالعة
ودي فاس نازلة
بتشق الأرض
تقسّمھا فدادین وجسور
یا صباح الخیر
ع الشغالة
والرجالة
ع السقالة
سھرانة عشان المكنة تدور
❊
یا صباح الحُب
یادي العمال
یا زنود سمرا
وعرق سیال
علشان الخیر یمليَ لنا الدور
❊
یا صباح نادي
علیك یا بلادي
م الناحیة دي
والناحیة دي
لیلك شعشع بطاقات النور
❊
یا صباح یا صباح
طل علینا
لما تجینا..
راح تلاقینا..
ضّیك ف إیدینا علم منشور ..
❊
یا صباح یا صباح
احنا العمال
یا صباح یا صباح
احنا الفلاح
احنا العمال احنا الفلاح
خطاوینا تاریخ وكتاب مسطور
یا صباح النور
