الواقع ليا مش مقبول شوفت منه الخوف و الهول .. مش مسلم مش مسامح النار ف قلبي نسر جانح .. كل يوم بلمح بلاوى ف الزعل مش بس هاوى لأ بأبدع و ابتدع زعلت من كل النواحى و العياط ف ضميرى صاحى و ف اتجاهى الحزن غاوى و مقتدر .. صدرى ماليان بالخوف و بالضجر قرفت من قلوب قاسية و حجر كل يوم بسجل انزعاجى و بدى موعد للفرح و فيه ما باجى ما نابنى ف الحياة الا استنتاجى بان أخرة كل حلم وفاه نفسي أضحك ضحكتين لله .. الذكريات ما حالفة تموت و الصورة بسمع ليها صوت من العياط أيوة حلمى زمانه شاط من حرارة الشوق للهفة الانبساط .. الليل بيطول على اشتياقى للقوة قدر ماعادش باقى .. باتذل و باتعاير على لفى و حيرتى ف دواير باسمع أجراس مابتحمينى بتزود ضيقتى و حنينى لجمال و أمان أهل صورة و بعيش مذموما مدحورا .. أهل أهلى راحوا فين مشيوا راحوا بيسبقونا لصمت ليل الله يحفظ لى أهلى و مايسبونى زيهم انا كل طاقتى منهم .. بسمع كلام عالفرقة ليا من حبيبتى و هيا باعدة باشتاق وجودها ف كل قعدة و عمرى مابسمع نفس بلاقينى دمى اللى اتحبس على فين يا دنيا هتمشي بيا و انتى عامية تحسسي حابسالى نفسي و عاللى يضايقنى بتعرفى و بتتجسسي عايزانى أمشي مكنتى سيبتنى ف غفلة العدم و الله مانابنى من حنانك غير ندم مليانى بؤس و خوف و حزن جيبتينى ليه من غير ما حتى تاخدى أذن !!
لا يوجد تعليقات بعد، كن أول من يبدأ النقاش