في ناس ربنا رزقهم بدرجة ذكاء عالية وما شاء الله في قرارات خدوها في حياتهم وربنا وفقهم فيها.

ولكن مع غروره بذكاءه بيبدأ يقلل من رأي غيره ويفرض رأيه عليه، وبيبقى مفكر أن كل قراراته صح في كل الأوقات.

وطبعاً دي مش صح خالص، مهما كانت درجة ذكائك أو خبرتك متتكبرش على غيرك متسخرش من رأي غيرك، أسمع للأصغر منك والأكبر منك متخليش الكِبر يقلل من ثقة الناس فيك، ومتنساش النبي -صلى الله عليه وسلم- نهى عن الكِبر.

عن عبدالله بن مسعود -رضي الله عنه- قال: قال رسول الله صلى الله عليه وسلم ((لا يدخل الجنة من كان في قلبه مثقال ذرة من كبر.)) رواه مسلم