0

اشعر بان الحياة ضدى فى كل شئ

لقد كتبت هذة الرسالة من قبل فى جروب على الفيسبوك ولم يتم قبول منشورى حتى الان فاتمنى ان تجيبونى لاننى ضاقت بى الحياة وليس لى اى شخص احكى لة همومى

اترككم مع الرسالة

السلام عليكم ...

انا بعانى من مشاكل نفسية كتيرة وقصتى طويلة مع الازمات النفسية

مشاكلى بدأت من صغرى لما كنت صغير كنت بتعرض للتنمر من زملائى ومن عيلتى ومن كل الناس كنت بحس ان انا مش مقبول وسطيهم وكان دايما فى حالة كرة ليا المهم انا كبرت وكبرت معايا مشاكلى وبقيت مدمن اباحية وعادة سرية وبقيت انسان منعزل ولا اهلى ولا اى حد  طايقنى وصدقونى انا حاسس بنظرة كرة حاليا من اهلى واقاربى وكل الناس عارفة ان انا ماليش اى لزمة وحتى انا عارف كدا وبعد كدة جت فترة انا قولت فيها لازم اوقف واحاول اتعامل مع الناس فافشلت وبعد محاولة ورا التانية فشلت فشل ذريع وبعدين ياست ولكن كان لسة فية سنة امل بعد كدة لاقيت مشاكل نفسية تانية بدات اكتشفها والمشاكل دة صدقونى حسستنى ان ربنا مش عايزنى وان انا حبل الامل اتقطع لاقيت عندى حاجات غريبة بتحصلى غير التفكير الزايد والمشاكل دة كلها لاقيت كل ما بيخطر على بالى حاجة بتتحقق انا بصراحة مش عارف دة بيحصل لية لو جة على بالى شئ القى حد مثلا كاتب بوست عن نفس الحاجة اللى جت على بالى او مثلا الاقى حد على النت بيتكلم عن نفس الحاجة انا فى البداية قولت دة وسواس وسبتة لحالة ثم بعد سنة تقيربا جة رمضان اللى احنا فية دة قولت انا لازم ابدا اقرا قران ماكنتش بنام كويس كنت عايز اظبط نومى فاكنت بنام 7 ساعات فى اليوم كنت حاسس بتعب رهيب مع انى كنت بقرا 10 صفح فى اليوم المهم روحت اجيب حاجات من حتة بعيدة وانا مروح سمعت صوت حد بيعمل حادثة فا انا بصراحة اتخضيت ولما رجعت بعديها بيوم لقيت واحد كاتب على الفيس بيقول انا احنا مش عارفين الولد دة مين اهلة كل اللى نعرفة انة من المدرسة وانا مدرستى قريبة من المكان دة ماعرفش هل الولد دة فعلا من مدرستنا ولا اللى سمعتة دة كان صوت عربيتين خبطو فى بعض لان انا كنت شايف عربيتين ورابعض انا اللى مخوفنى مش كدة اللى مخوفنى ان انا كنت عمال اقول هما لية مابيعملوش اشارات مرور وينظمو الدنيا قبل ما الموضوع دة يحصل اصلا انا اصلا كل لما بنزل من البيت بفضل اقول ربنا يستر من الشوارع دة انا مش عارف هل لانى كنت تعبان ومانمتش كويس والجو كان حر جظا ساعتها ولا دة حقيقة وكل حاجة بفكر فيها بتحصل انا مش عارف انا بيحصل معايا كدا لية الفترة الاخيرة من كتر المشاكل اللى بتحصلى حاسس ان ربنا مش عايزنى ومكتوب عليا انى اعيش مهموم انا عمرى 17 سنة وخايف من حياتى فى المستقبل مافيش اصحاب و الكل كارهنى و بتحصل معايا حاجات انا مش فاهمها انا حاسس بالياس وحاسس ان انا مصيرى جهنم وحاسس ان انا حياتى هاتنتهى وانا مكروة والناس هاتفتكرلى الوحش بس وهاموت لوحدى محدش هايبقى جنبى ولا هايبقى عندى اطفال ولا زوجة ، انا فكرت فى  الانتحار اكتر من مرة ولكن ماعملتش كدا لان عارف ان مش دة الطريقة للراحة انا عارف ان الراحة هيا انى ابقى انسان صالح وللعلم انا كان عندى احلام وعايز احققها ولكن بعد اللى شوفتة دة حاسس ان دة النهاية ياريت لو حد عندة اى حل ليا ولمشاكلى يقولى ولو عندك اى تجارب سابقة ياريت تبعتها


1
Mohamed_mga001 أضف ردا

حل المشكلة يبدأ بتغيير هذه الصوره عن نفسك وأن تعرف أن نظرة الناس لك لا تعنى بالضرورة قيمتك الحقيقية،وأن الله لم يخلقك عبساً بل لك دور مهم في الحياة بعد العبادة ابحث عنه وانشغل به.

فكل إنسان منا لديه ما يميزه من مواطن جمال.

وفيه بعض الخطوات العملية التى تستطيع فعلها:-

١-ابحث عن عمل حتى تستطيع جنى المال وإشغال وقت فراغك بجانب الدراسة

٢-حاول تتعلم حاجة مفيده وتحس أثناء التعلم بالانجاز مثل البرمجة وبالتالى لما تعمل برنامج هتخس انك ملك حرفيا

٣-تجنب الناس الذين يُشعرونك بالدونية فترة مؤقته حتى تستعيد ثقتك بنفسك بل ابتعد عن كل ما يقلل من قيمتك

٤-تابع عبر الانترنت من يعطيك أمل وتفاؤل مثل

حازم شومان

هالة سمير

مصطفى حسنى

ابراهيم الفقى

٥-حاول تساعد أهلك في البيت وتتودد إليهم حتى يشعروا بمحبتك لهم وبالتالى تظهر منهم المحبة

٦-ممكن تتطوع في عمل تطوعي وتشغل يومك بحاجات مفيد

٧-ممكن تلعب رياضة وتبنى جسم مميز

٨-والاهم من كل هذا علاقتك مع الله أصلحها وسوف يصلح الله لك كل شئ

وفي النهاية اريد أن أخبرك أن معظم الناس في فترة من فترات حياتهم مروا بهذا الشعور وكمية الألم الذى انت تشعر فيه الآن، لذلك لا تعتقد أنك أنت الوحيد الذي مر بهذا، بل عاشرت من القصص ما هو أمر من ذلك ولكن بفضل الله وإرادة قوية هم الآن من سادة القوم.

أن لم يعطيك الناس قيمة فاصنع لنفسك قيمة
0
334_Amr_Reffat أضف ردا

شكرا لدعمك اخى الفاضل