صديقي حرفيا لا يوجد جواب واحد صافي مقنع ولكن يوجد اساسيات لازم تراعيها لحتى تختار لابتوب بمواصفات تفيدك
اول شي واهم شي كرت الشاشة ما بيكفي فقط ذكر ذاكرة كرت الشاشة مثلا 2 جيجا و 3 جيجا مع انها عامل اساسي بال graphic design ولكن مش عامل اساسي بتحديد قوة كرت الشاشة ولكن بنصحك يكون كرت الشاشة عندك مش اقل من gtx 1650 مع 4 جيجا ذاكرة
ثانيا الرامات 16 جيجا كافية وتكون مكونة من ذاكرتين 8 جيجا مش ذاكرة وحدة 16 لحتى تاخد اسرع شي لانو وجود رامتين بشتغلو بنفس الوقت بحسن من ال bandwidth الي بتعامل فيها ال cpu مع الرامات
وثالت شي ال cpu وما بيكفي يكون i7 فقط جيل حديث ولكن حتى ال i7 في انواع منو بتفرق كتير عن بعض ممكن تميزو من رقم المعالج مثلا i7 8550u ,,, i7 8750h
اول رقم بدل على الجيل فيعني. هذا المعالجين من الجيل الثامن واخر حرف بدل على معنى كتيير مهم وهو لشو مصمم هاد المعالج
فبدل الحرف u على انو معالج تصمم لحفظ الطاقة واعطاء عمر نسبي طويل للبطارية ومعدل استهلاك الطاقة لالو بكون بحدود ال 15 واط او ما يسمى بال tdp
بينما حرف ال h بدل على معالج تصمم ليكون high performance او باداء عالي وبيستهلك طاقة بحدود ال 45 واط Tdp
ولشغل ال Design بنصحك تروح مع معالج h لانو احيانا ممكن ال Rendering for design يشتغلو ال cpu بدل كرت الشاشة وهالشي حسب التطبيق الي انتا بتستخدمو وغير انو كروت الشاشة القوية ما بتيجي الا مع هذي المعالجات لانو المعالجات الموفرة للطاقة رح تتسبب في ضعف اداء كرت الشاشة بظاهرة تسمى عنق الزجاجة يعني عندك قوة كبيرة ممكن يظهرها كرت الشاشة ولكن المعالج مش قادر يعطيك طاقتو
واذا حابب بعطيك اسماء لابتوبات معينة ممكن تخدمك سنين طويلة
