رسالة الى المستقبل! | خدمة عربية لإرسال بريد لنفسك في المستقبل
فين صافا بيخير مرتاحة 😂 موهيم اليومة جيت نكتب هاد الرسالة وانا عندي 17 عام نهار 21 يناير 2021 وان شاء الله توصلك ف 2025
فوزية ديال 2025 غاتكون عندك دابا 22 عام نتمنى تكوني بيخير بعدا وماخاصك حتى خير فهاد اللحظة غاتكوني خديتي الاجازة ديالك كانتمنى تاخديها بنقطة زوينة كاتحمر الوجه ماعرفتش واش افكارك غايتبدلو واش غاتكوني باقي كاتقراي شي لعبة واش غاتكوني خدامة ولا تكوني مزوجة ههههه واشكون عرف كل شيء ممكن موهيم كانتمنى ان كاع عائلتك تكون بيخير ولي وصل اجل الموت ديالو يموت ويهنينا
خوك غايكون تزوج ؟ ماعرفتش الصراحة وخاالتك زهرة 😍😍 اكيد غاتكون تزوجات الله يكمل عليها
ماماك غاتكون شرفات غادا وكاتكبر ولكن العقل باقي هو هو ديال 16 عام
اااه شنو مازال يااربي تكوني مدوزا البيرمي بعدا ولكن انا تايقة انك غاتزعمي واخا فاللول عارفاك غاتشبعي بكا ضاروري ااه نتمنى بعدا تحيد منك هاد القاعيدة ديال البكا وتكوني تعلمتي تعتامدي على راسك وتولي زاعمة
حيت صراحة من هادشي كامل الهدف الوحيد لي بغيتك تحققيه ليا هو نشوفك مرا قادة واخا 22عام راكي باقا صغيرة ولكن بغيتك فهاد العمر تكوني عارفة اش باغا واشنو ماباغاش والعمر كولو قدامك والحيااة كولها قدامك كانتمنا فهاد العمر عقلك يكون عامر واخا ضروري من تفاهة هاذا امر طبيعي هههه ولكن كيفما كان الحال كانتمنى ماتكونيش فوزية ديال دابا 17 عام
اجي بعدا واش باقا غليظة ولا نقصتي 🤔🤔 فوزية بالروجولة جمعي راسك وديك الكرش فين غاذا بيها 😐
موهيم ماعرفتش علاياش غانسول مازال
ومعرفتش واش هاد الميساج غايوصلك ولا لا في حالة ما قراه شي واحد من غيرك افوزية انا بغيت ليه شي موصيبة يااربي 😡😡
موهيم ان شاء الله كااع هادشي لي كتبت نقدر نحققو فالقريب العاجل وان شاء الله نهار يوصلني هاد الميساج نقراه وانا ضاحكة وفخورة بنفسي
اااه نسيت باقي كاتمزكي لانكوني ؟ 👽 نااااضية بالله خونا كايمزك الصراحة ههههه
موهيم صافي انا دابا كانبريباري الامتحانات ديال سومستر واحد
بزاااف ديال الحب ليك ا فوزية 💛💛 تهلاي فراسك ❤
التعليقات