كنت بكتب كود… كود كتير.
وفجأة سألت نفسي:
"أنا بكتب كلام عادي كده، بس الكمبيوتر مابيعرفش غير 0 و1…
أومّال هو بيفهم إزاي؟!"
لقيت نفسي واقف في قاعة فيها شخصين، وكل واحد شايف نفسه الأهم.
أول واحد كان لابس رسمي، شكله تقيل، ماسك ورق كأنه موظف حكومة:
قاللي:
"أنا الـ Compiler…"
هاتلي الكود كله، أقرأه من أوله لآخره،
وأترجمه مرة واحدة لملف جاهز يتنفذ بسرعة البرق
سألته:
"طب لو فيه غلطة في السطر التاني؟"
ابتسم وقال:
"مش هقولك. هستنى لما أقرأ الألف سطر كلهم…
وبعدها أرجعلك وأقولك: عندك خطأ… في السطر التاني."
يعني ممكن تفضل مستني عالفاضي!
التاني كان لابس كاجوال، قاعد على كرسي وبيشرب قهوة
، وقاللي وهو بيضحك:
"أنا الـ Interpreter…"
نمشي واحدة واحدة، سطر بسطر،
أقرأ وأنفذ
، أقرأ وأنفذ
…
ولو فيه غلطة في السطر التاني؟
هوقفك فورًا… من غير ما أضيع وقتك!
هنا بدأت أفهم...
الاتنين دول مش بس بيترجموا،
دول بيحددوا إزاي الكود بتاعي بيتنفذ وإمتى هشوف الغلط!
أمثلة؟
Compiler: C، C++، Go، Rust
Interpreter: Python، JavaScript، PHP، Ruby
Java؟ مش فاهمه هي عايزة إيه…
بتستخدم Compiler يحول الكود لـ Bytecode،
وبعدين Interpreter ينفذه! يعني بتلعب على الحبلين.
السرعة؟
Compiler: أسرع في التشغيل، بس أبطأ في البداية.
Interpreter: أسرع في البداية، لكن أبطأ على المدى الطويل.
الخلاصة؟
كل كود ليه شخصية، وكل مترجم ليه أسلوب.
وانت كمبرمج؟ لازم تعرف إنت شغال مع مين…
الرايق اللي بيحب السطر سطر؟ ولا اللي بيجهزلك كل حاجة دفعة واحدة؟
ماتنساش تشترك في قناة الواتساب عشان تستفاد أكتر
و انضم لمجتمعنا هتلاقي نقاشات مفيده في جميع المجالات
قوللي بقى:
إنت من أنصار مين؟
Compiler ولا Interpreter؟
وأكتر لغة ارتحتلها كانت إيه؟
#محمود_المستقل
#محمود_عصام
#Compiler_VS_Interpreter
#تعلم_البرمجة
#محتوى_تقني
#برمجة_ببساطة
#محمود_المستقل
#محمود_عصام
#محمود_عصام_المستقل
#تعلم_البرمجة
