السلام عليكم، حابب شارككم اليوم ومن جديد إطلاق مشروع كنت عم حضّر له من فترة:

"مجتمع المطور السوري – SyrianDEV"، مساحة رقمية للمهتمين بالتكنولوجيا، بكل فروعها ومستوياتها. المكان والبيئة التنفيذية للمشروع في ألمانيا.

الفكرة بسيطة:

أغلبنا اشتغل أو تعلّم بشكل فردي، وغالبًا ما كان في مكان نجتمع فيه، نسأل، نشارك، نناقش، أو حتى نساعد بعض…

ومن هون إجت فكرة SyrianDEV – منتدى مفتوح بيجمع المطورين، مدراء الأنظمة، مهندسي DevOps، المهتمين بـ Linux، الأمن السيبراني، الحوسبة السحابية، وأي شخص عنده شغف بالتقنية.

بنَيت المجتمع ليكون:

1. مكان للنقاشات التقنية

2. مساحة للأسئلة والأجوبة

3. بيئة تشجع على تبادل الخبرات والمعرفة

4. منصة تعليمية بالمحتوى العربي، موجهة من أهل المجال

لكن… مهما حاولت انو جهز المنصة بأفضل شكل، بدون وجودكن وتفاعلكن، ما في قيمة حقيقية لهالمجتمع.

إذا بتآمن مثلي بقوة المشاركة والمعرفة المجتمعية،

بدعيك تنضم، تسأل، تجاوب، وتكون جزء من شي عم نزرعه اليوم وبيتطور مع الوقت.

رابط الانضمام والتسجيل:

الموقع الرسمي:

اخواني فيكن تثبتوا مجتمع SyrianDEV على الموبايل وتخلوه متل تطبيق للموبايل، هالخطوات بسيطة وسريعة:

1. افتح Google Chrome ع موبايلك.

2. روح على الموقع:

3. من فوق عاليمين، اضغط على الثلاث نقاط.

4. اختار "Add to Home screen" أو "إضافة إلى الشاشة الرئيسية".

5. خلي الاسم "SyrianDEV" واضغط "Add".

6. هيك صار عندك أيقونة ع الشاشة الرئيسية، بتقدر تفتحها متل أي تطبيق.

بتمنّى تشاركوني رحلة بناء SyrianDEV، ونخلق سوا مجتمع نفتخر فيه، وندعم فيه بعض خطوة بخطوة.

أي شخص حابب يساعد ويساعم بطريقة ما، فيه يتواصل معي بأي وقت ❤️