#الشرق_الاوسط_علي_صفيح_ساخن
نظرة كاتبة عربية الي خريطة النار الممتدة من فلسطين للسودان
وفظل الظروف اللي بيمر بيها الشرق الاوسط مقدمناش غير الدعاء
الدعاء لاخوتنا فاراضينا المحتلة والدعاء لاولدنا واخواتنا من ظباط ومجندين فالجيش المصري واننا نقف ورا قيادة بلادنا مش وقت تشتت ابدا لان اي تشتت فالجبهة الداخلية هيستغلها العدو الخارجي اسوء استغلال وقت وعي وصحوة للشعب المصري عشان اي لحظة تغيب مش مسموح بيها الحرب محوطاك من كل الجهات سواء السودان فقوات الدعم السريع سيطرو ع المثلث الحدودي يعني حدودك الجنوبية بقت خطر زيها زي حدودك الشرقية اللي بينا وبين اللي ميتسموش دا غير الحرب الاهلية اللي فليبيا فحدودك الغربية كمان ملغمة وكمان القواعد العسكرية للدول الاجنبية اللي مالية الدول العربية فالضربة هتيجي من اللي المفروض يمد ايده يساعدك فبلاش يكون الشعب هو اللي يدي فرصة ان دا يحصل لازم نتكاتف ونكون 120 مليون جندي جيش ولا اننا نفرط فشبر من اراضينا افتكرو يمصريين الارض عرض وسواء انت متفق او مختلف مع قيادة البلد دا مش وقت اختلاف ابدا دا وقت تحالف متسمحش لاي حد انه يهين بلدك او قيادتك او جيشك متنسوش اللي خلانا نكسب حرب اكتوبر وحدة الجيش والرئيس والشعب ومتنسوش اننا بنواجه نفس العدو لكنه بقي احقر واللي كان بيخاف منه زمان دلوقتي بقي مباح وهو لو مش خايف منك كان زمانه ضربك ضرب مباشر زي مهو ماشي يضرب الكل لكن انت وراك جيش قوي وقيادة حتي لو بتختلف معاها فالامور الاقتصادية فمفيش احسن منها فالامور العسكرية بلاش تكون انت القشة اللي قسمت ظهر البعير لازم نكون ع قلب رجل واحد
حفظ الله مصر وشعبها وجيشها وقيادتها ووحد صفوفها وثبتها
رحم الله شهدائنا اجمعين
اللهم القي عذابك ع كل كافر اثيم
حسبي الله ونعم الوكيل
الشرق الاوسط ع صفيح ساخن هيكون سلسلة مقالات مرتبطة ببعض بتحي عن الوضع الراهن
#وردة_الجوري
#فلسطين_حرة
#بنت_القدس
