إسألني أي سؤال عن الأفلام وسأجيبك (٢)

مرحبا

لقد شاهدت فيلم منذ فترة لكني لا استطيع تذكر اسم الفيلم و لكني أعرف القصة

القصة

بنت في سن المراهقه مابتعرفش تمشي ليها صديق في سنها كان كل يوم يروح يستأذن ابوها وياخدها ع الكرسي بعجل بتاعها ويروحوا شط نيل او شط بحر حاجه زي كده .. وينزل هو المايه يعوم اودامها و هي تتفرج عليه و يتكلموا سوا .. لحد ما فمره طلبت منه انه ينزلها معاه لانها نفسها تنزل المايه فا نزلها و فضل واخد باله منها و بيتكلموا بس وهو بيتكلم سرح عنها فا هي غرقت من غير ما ياخد باله .. ابو الولد لما عرف هرب الولد من القريه لحسن ابو البنت ينتقم منه لان ابو البنت كان متعلق ب البنت .. بعد سنين كتير الولد دا كبر وبقي دكتور نفسي وقرر يرجع القريه ولما رجع لقي بنت عامله حادثه و واقعه في نفس المكان اللي البنت المشلوله غرقت فيه فا انقذها ولما فاقت لقت نفسها فاقده الذاكره .. فا بما انه دكتور نفسي حاول يعالجها عن طريق انه جاب شمعه وقالها بصي ع الشمعه 10 ثواني بعدين غمضي و احكيلي شايفه ايه او افتكرتي ايه من ذاكرتك .. فا قالتله احداث كانت بين الدكتور و البنت المشلوله فا هو استغرب ازاي هي عرفت الحاجات دي ؟ و حاول يرجعلها الذاكره لكن معرفش .. في اخر مشهد ركبوا مركب صغيره هو و هي .. وهي كانت نايمه مسترخيه ع المركب و هو بيأدف لحد ما وصلوا للمكان اللي البنت المشلوله غرقت فيه و البنت التانيه كانت هاتغرق فيه .. بعدها جايبيين البطل راجع بالمركب لوحده و البنت التانيه اختفت لما وصلوا للمكان اللي غرقت فيه المشلوله

: فيه مشهد من الفيلم .. تقريبا البطل كان دكتور نفسي و البنت اللي قابلها وتقريبا لبستها روح البنت اللي غرقت كانت فاقده الذاكره فا هو كان بيحاول يسترجع ذاكرتها عن طريق انه يولع شمعه ويخليها تبص فيها فتره بعدين تغمض عينها و تحاول تستعيد الذاكره بس هيا كانت بتستعيد ذكريات حصلت معاه هو و البنت المشلوله اللي غرقت عشان كده شك ان روح البنت المشلوله اللي غرقت لبستها