منصة أوراكل جافا اصبحت تجارية – مدونة أبو إياس

السلام عليكم.. قبل كم يوم قررت إني أترك البرامج المقرصنة ومريت على كومنت ليك بتتكلم عن نفس الموضوع، دخلت حسابك ولقيت انك من السودان! صراحة ده شجعني أكتر ع اني آخد الخطوة دي لأنه هنا في السودان أغلب الناس بتشتغل بالكراك عادي وببررو لنفسهم، المهم أنا مصممة جرافيك كنت بشتغل بالاليوستريتور وياهو ويندوز طبعًا، هسه قررت أوقف شغل، وعاوزة أحول ل لينكس عسى ولعل ربنا يكتب لي الخير وألقى برامج تانية تشتغل عليو أو ألقى فرصة شغل في مكان برامجه غير مكركة * لحدي هسه رفضت كم وظيفة لنفس السبب* فبس زي م قلت ليك هسه عاوزة أحول للينكس و صراحة م عندي آي فكرة ممكن أعمل كده كيف ف ياريت تساعدني في الموضوع.. أو تديني نقاط ممكن أبدا بيها وهل أنا محتاجة آي خلفية برمجية عشان أقدر اعمل الحاجة دي* خبرتي في البرمجة لا تتعدى بايثون للأسف* وشكرًا جدًا

*أنا جديدة ع المنصة ف م قدرت أرسل ليك على الموضوع على الخاص*