دايماً بلاقي في كتب التاريخ او اي مرجع بيتكلم عن اخناتون بيذكروا ان هو صاحب اول دعوة توحيدية فدا بيخلي ناس كتير تخلط بين ان الدعوة التوحيدية بتاعته دي كانت رساله او ان هو نبي من الله
بس ازاي ؟
نتفق في الاول ان دعوة اخناتون فعلا دعوة توحيدية معناها ايه الاول ؟
في مصر القديمة مكنش عندهم فكرة الاخلاص او الاستقرار لـ اله واحد بل كانوا بيعبدوا اكتر من اله في نفس الوقت وكل اله مخصص بحاجة معينه ( انوبيس اله الجبانه والتحنيط ، مين اله الخصوبة ، وهكذا )
بس عصر اخناتون كان ثورة دينية وتحطيم للمعتقدات ان هو ركز في دعوته ان الاله ( اتون ) هو الكل في الكل ولازم الي ينضم لدعوته يكون مخلص ليه وميعبدش معاه اي اله
فكدا اول بند اتحقق ان هي دعوة توحيدية
بس فعلا هو كان نبي ؟
لا طبعاً مكنش نبي لان اساسا دعوته كانت للاله اتون اله الشمس وليس لعباده الله سبحانه وتعالي
فكدا دعوة اخناتون دعوة توحيدية وثنية
التعليقات