الحقيقة إني لو هنصح النـاس الـ في مرحلة الجامعة لسـه، هتكـون نصيحتـي ممزوجة بالحث علـى التعلّم الذاتـي، إحنـا بقينـا في زمـن مليان بالكثير مِـن سُبـل التعلـم (ومعنى كده إن الحساب على عمرنا هيكون أشد!) مش هيكـون لينـا حُجة حقيقي نبرر بيهـا ضياع وقتنا في الملهيـات.
قلت قبل كده وبكررها تاني، الـ Telegram والـ Youtube مِنْ أعظم الوسائل المُتاحة للتعلم، ابحثـوا وثقفوا نفسكـم في مجالات مُختلفة؛ اتعلموا دينكـم صح، استمعوا لقصص الصحابة، اغتمنوا أي فرصة تقابلكم وتطور منكم.
الوسائـل كتير، محتاجين بس نذّكر أنفسنـا بقيمـة التعلّم، ونحاوط قلوبنـا باستشعار أهميـة الوقت؛ ونحط مقولة الشيخ محمد خيري أمام أعيُننـا: "الانتصارات فَارِغة إذا لم يَكُن همَّك الآخِرة!" استشعروا جمالها وتفقهوا معناهـا.
استقلوا ماديًـا، الإستقـلال المادي هيدفعكم للتطوير المستمر، لازم يكون لكل شخص منكم على الأقل معرفة بالمهارات المطلوبـة في سوق العمل، متستنـوش لمّا تتخرجوا، اشتغلـوا على نفسكـم وعلى تطوير مهاراتكم مـن دلوقتي.
بالنسبة ليا، فالتطوع مِن أهم الحاجات الـ لازم تقحموا نفسكـم فيها، الوقت والجهد الـ بيطلع لله بيرجع ومعـاه أضعافه (بركة، توفيق، خبرة، إنسانيـة) اخرجوا مِـن zone الراحـة، واستغلوا المتاح قبل ما ييجي الوقت الـ ميبقاش المتاح فيه متـاح.
#فاطمة_شجيع.
