المنشور منقول من جروب العمل الحر على الفيسبوك :
كارت فيزا الانترنت الجديد من البريد المصري - Easy Pay
=============================
البريد المصرى يطرح كارت المشتريات الجديد "فيزا" يحل مشكله السحب من البنوك الالكترونية
- متوفرة فى اغلب مكاتب البريد
دلوقتي هوضح المعلومات ال هتهم حضراتكم بشكل اكبر اثناء عمليه البيع
اسمه easy pay
-اولا هو سعره 25 جنيه
-يباع لمن هو فوق سن ال16 سنه فقط
-بيتم تسجيل بيانات العميل من خلال الشباك الشامل مثل المدفوعات الحكوميه بالظبط
-الكارت مش مطبوع عليه اسم العميل زي كارت المدفوعات ايضا
-بيتم تفعيله من خلال خدمة العملاء او عمليه استعلام من خلالpos
-بفرض ان الكارت ضاع او العميل نسي الرقم السري العميل بيتصل بينا هنوقف الكارت و يصفيه من المكتب زيه زي كارت المدفوعات بالظبط
كل ده كده ما يخص الموظف في عمليه البيع
اما بالنسبه لمحددات السحب والايداع
- حد ادني للايداع100 جنيه الكارت مش هيقبل اقل من كده
-حد اقصي للايداع في اليوم الواحد 5000 و بحد اقصي في الشهر كله 20000 جنيه
ووده بالنسبه للايداع
نيجي للمشتريات
-حد اقصي للشراء 10000 يوميا بالعمله المصريه
-حد اقصي للشراء 200 دولار يوميا بحد اقصي 1000 دولار شهريا
هل العميل يحق له السحب النقدي؟؟؟
-العميل يقدر يسحب نقديا بحد اقصي 3000 جنيه يوميا سواء ماكينات POS, ATM
ملحوظه... الكارت ليس له بدل فاقد او تالف و يعامل معامله كارت المدفوعات الحكوميه في هذه الحاله
عمر الكارت 5 سنين
يصلح للشراء من خلال السوبر الماركت والمحلات التجارية و المواقع المصريه والاجنبيه ولكن السحب النقدي في الدول الاجنبيه متوقف حاليا .
طب ايه ال بيميز الكارت عن غيره من كروت البريد ؟
الكارت ده بيقدر يستقبل تحويلات نقديه من بره مصر عن طريق ما يسمى الانترنت البنكي او البنك الالكتروني .
إيه الخبر اللي يهمك كـ فري لانسر ؟
الكارت ده نوعه فيزا ، وغالبا هيقبل السحب عليه من الباي بال لأنه بيسمح باستخدام رقم الكارت نفسه - وده زي الكارت اللي عملوه زمان في البريد كان اسمه "فيزا كل الناس"
هقوم بربطه بنفسي على الباي بال ولو نجحت عملية التحويل من الباي بال إلى الكارت هبلغكم بإذن الله
التعليقات
المشكلة ليست من جهة بايبال إطلاقًا، ستتمكن من ربط وسحب جهة بايبال على أي بطاقة مصرية من نوع فيزا مفعلة للأنترنت، لكن السحب لن يوافق عليه من جهة البنك في أغلب البطاقات (غير البطاقات من نوع كريدت كارد وغيرها المربوطة بالحسابات والتي اجراءات الحصول عليها أصعب).
جربت: بطاقة 4U وبطاقة الأهلي مسبقة الدفع (الخضراء المكتوب عليها بطاقة الدفع) وتلك الأخرى للتحويلات (قال لي الموظف تستقبل تحويلات الأفراد ومن الخليج فقط)، وكريدي أجريكول وبطاقة بنك القاهرة (أخذت 10 أيام للحصول عليها على الفاضي).
وكل تلك البطاقات تربط مع البايبال وتُقبل في أغلب المواقع (بدون بايبال)، لكنها كلها تفشل في السحب، لهذا بطاقة 4U غير عملية لأنها لا تشحن إلا من فرع البنك على عكس بطاقة الأهلي (الأكثر عملية) بالأضافة إلى أن بطاقة الأهلي أكثر أمانًا وتاتي بخدمات أكثر كخدمة تنبيهات الهاتف عن استخدام الرصيد وفوق هذا أرخص.
ننتظر تجربة بطاقة EasyPay من @Ziad_Moussa. يصر البريد المصري بالفيسبوك أن البطاقة تربط بالبايبال وأنهم جربوها وتقبل السحب، أشك في هذا الكلام والتجربة خير برهان.