رفض العميل التصميم المقدم له وطالب بالغاء الخدمة واسترجاع مستحقاته

حصلت لي مشكلة علي منصة خمسات

قام احد العملاء بالتواصل معي علي منصة خمسات تصميم لوجو وطلب نموذجين

بعد تقديم النموذجين للعمل قام بالرد فورا بعد استلامه للوجو بدقيقة واحده فقط وقام العمل غير احترافي ومرفوض وارجو الغاء الطلب

طيب انا فين حقي وتعبي ومجهودي ووقتي الضائع علي تصميم عمل لم يعجب العميل

اخبرته انه من حقه التعديل وابداء رايه لنعرف متطلباته وكنت علي استعداد لتقديم له نموذج ثالث مقابل انه يكون راضي عن الخدمة

ولكن رفض رفضا تاما واصر علي الغاء الطلب وقال اني اضيع وقته

بغض النظر عن اضعت وقتي ايضا في تصميم نموذجين للوجو بدون فائدة

اتجهت للدعم ولكن المفاجاة ان الدعم قالي لي ايضا ان العمل غير احترافي طيب بغض النظر عن العمل غير احترافي من حقه يقول رايه هو محتاج ايه ومن حق العميل يرفض الخدمة

انا شايف ان كدا اي حد يدخل يطلب لوجو وعادي يقبل او يرفض وعادي احنا نتعب مش مشكلة اهم حاجة الباشا يكون مبسوط مش مهم انت

والحمد لله العميل اخذ اللوجو وانصرف ولم يكتفي بهذا ولكن اضاف تقييم سئ جدا جدا جدا علي الرغم من انه هو الوحيد من وسط اكثر من 150 عميل تعاملو معي وشهدو باتقاني في العمل واخلاقي في التعامل معهم

ليه الدعم بيكون مش في صالح البائع اللي هو الطرف الاضعف في هذه العمليه

دي تاني تجربه ليا مع فريق الدعم وبصراحه لم اجد منهم الانصاف

ايه الحل في موقف زي دا والتصرف الصح بيكون ازاي ؟؟