زمان كنت بستغرب من نهايات بعض العلاقات ..
مثلاً كيف في حالات طلاق ممكن تحصل بعد ٢٠ سنة أو أكثر وأقول ليه انفصلوا بعد المدة الطويلة دي؟ ليه منفصلوش من الأول طالما فية اختلاف؟
و بعض أصدقاء العمر اللي قاطعوا بعض ومافيش حد قدر يقنعهم يرجعو علاقتهم مع بعض تاني ً...
وكذلك بعض الأقارب والجيران،
وأحياناً تكون بين أهل البيت ....الواحد أستغرب إن فيه علاقات توقفت و فعلاً مافيش حد قادر يرجعها ...
لحد ما وصلت لحقيقة إنه في العلاقات فية
حاجه اسمها " رصيد "
علاقاتنا بالناس مرهونة برصيد بيتحدد حسب مَعزّة الشخص دا عندنا وكل ما التعامل كان راقي ومحترم الرصيد يزيد
والعكس صحيح كل ما التعامل كان سيء وغير لائق الرصيد ينخفض
ومع إحساس البعض اننا بنحبهم ونقدرهم ونحترمهم بيتمادوا بالتصرفات الغير مرضية، وهما ميعرفوش إنهم بيسحبوا من رصيدهم بالعشم والمحبة اللي عندنا ليهم و يعتقدوا إن رصيد التسامح ده ممتد بلا نهاية وطبعاً العلاقة تستمر لحد ما يبقي الرصيد صفر
لكن في حالات استثنائية نقرر نعيد شحن الرصيد ونضطر نغفرلهم أخطائهم ( عشان العيال وعشان الحلال و الحرام ، عشان العشرة ، عشان الصداقة ، عشان فلان , عشان......)
حتى يرجع يتمادى الشخص مره ثانية ويسحب رصيده مرة ثانية، هنا احنا نكون فقدنا قدرتنا على التحمل، بعدها بيكون قرار قطع العلاقة قرار قادرين على اتخاذه بكل ثقة و تأكد وبدون تراجع ...ببساطة لأنه بيكون قرار مفيش ندم بعده.
نصحيتي متحملش ع الشخص اللي قدامك قوي مهما كان مدي تقبلة لكلامك او افعالك ومتعاملش حد معامله انت متقبلش لنفسك ان حد يعاملهالك ...لان الشخص ده ممكن يجيلة فتره ويقرر انه يستغني عنك تماما مهما كانت اهميتك عنده .
التعليقات