ساعدني
كان فيه بنت اسمها إيمان كانت طول العمرها بتهرب من أنها تكون معلمة كانت لما تشرح لنفسها مش بتعرف تتكلم كويس ، يشاء ربنا أنها تدخل كليه تربية كان فيه قدامها كليه حقوق بس خافت أكتر و امها قالت لا بلاش فدخلت كلية تربية ، دخلت كلية تربيه وهي عارفه انها عندها تعلثم ( يعني مش بتعرف تتكلم بشكل كويس) بس أمها قالت ليها: هتنجحي و حاولي تكوني معيده ، بس لاسف القسم ل هي فيه مش بياخد معيدين خالص.
إيمان قالت: أبقي خلاص أدور علي حلم تاني اصل مافيش طريق من غير حلم او هدف ، دورت و تاهت و في الاخره قرأت جمله بتقول: نسيب أثر في اي شخص نتعامل معاه اثر كويس علشان نكون ذكري كويسه ليه او نحسن يومه علي الأقل.
قررت من بعدها ان تكون ذكري كويسه في نظر اي حد تقابله .
مرت الأيام و سنه اولي كلية عدت و تانيه قربت تخلص أهي ( تخلص علي خير يارب بجبر خاطرها)
ايمان بقي محتاره عاوزه تبدا تعطي دروس السنه الجايه بس خايفه ، خايفه علشان التعلثم ، خايفه الكل يتريق و يتنمر عليها.
تفتكر ايمان هتنجح ؟!
تفتكر ايمان ممكن تقضي علي التعلثم في يوم ما ( مع إنه سببه الرئيسي؛ مشكله وراثيه)
تفتكر ايمان ممكن تسيب اثر كويس في اي شخص قدامها.
تنصح إيمان ب ايه بخصوص
1- انها خايفه تبدا تعطي دروس السنه القادمه
2- أنها عاوزه تحقق لو شيء واحد في حياتها
تفتكر أنها في يوم ما هتقول انا وصلت الحمدلله ؟!
حط نفسك مكانها و انصحها.
بصى انا لما كنت طالب شوفت مدرسين كتير اللى عنده تلعثم واللى الدغ فى الحروف واللى حرفيا مش متمكن ولافاهم قوى بس شغال باسلوب الابهار و الشو ومثلا كان فى مدرس فرنساوى الدغ فى حروف كتير انتى متخيله كان بينطق ازاى !! و سبحان الله كان عنده طلاب كتير وغيره من المدرسين اللى اتكلمت عنهم كلهم كان عندهم طلاب كتير الفكرة انك مش مطالب تبقى مثالى علشان تعمل حاجة كل واحد ليه طريقته وانتى لازم تشجعى نفسك الاول وتثقى فى معلوماتك علشان اللى قدامك لااراديا يثق فيها للاسف لو انتى مش واثقة فى نفسك ازاى هتستنى حد غريب يثق فيها وعموما اللى ملاحظه انها قاعدة ثابتة هى ان مهما كنت مش متمكن او مش واثق او الى اخره ... لو انت فضلت مكمل ومستمر فى الشيى ده كده كده هتتعرف وهتنجح بس بيفرق واحد عن واحد هو مقدار النجتح وسرعته ودى بقى معتمدة على طريقتك فى المجال ولعبك على نقط قوتك
التعليقات