النقطه التانيه في سبب ان المراهقين يتحرشوا ومقصدش بالتحرش الموجهه للبنات اقصد التحرش بوجه عام .
الصحاب والعامل الرئيسي ف أختيار الصحاب هو الاب والام أنهم لو مهتمين بأولادهم ومين هما صحابهم و بيخرجوا مع مين و بيقعدوا مع مين كان الموضوع هايبقي أخف بكتير في المجمتع ده و كانت هاتكون نسبه فشل المراهقين سلوكيا قليله جدا وانا من وجه نظري أن الموضوع كله قايم علي الاب والام وأصلا لو الاب والام ربوا اولادهم ازاي يختاروا صحابهم و ربوهم علي الدين الصح أكيد المجتمع كان هايكون أحسن لانه بالتالي هايكون اخلاق الجيل الجديد أحسن و متطلع ومبتكر و متدين تدينا صح و بالتالي كل الحاجات السلبيه ف المجتمع هاتقل .
هاتكلم في موضوع التربيه الصح في المناقشه مابين الاب او الام مع اولادم لما قولت ان الاب والام لازم يشوفوا اصحاب اولادهم مكنش قاصدي انهم يقرروا مين صاحبهم او لا لكن اقصد أن الاب و الام يهتموا بتربيه اولادهم علي أختيار الصاحب المناسب ليهم و لازم يعلموهم انهم لو اختلطوا بصحاب فيهم عيوب يأما يحاولوا يصلحوا العيوب و يكونوا صحبه صالحه او يبعدوا عنهم ويتجنبوهم .
المدرسه أكيد بتعلم لكن أكيد مش هاتبقي بنفس أهميه الاب والام انا عايزه اوصل فكره ان الام والاب يكونوا جزء مهم ف حياه اولادهم وأكيد زي كلام حضرتك الموضوع عائد علي المراهق نفسه ولكن خلينا متفقين أن لو الابن متربي علي دينه صح و لاقي كل طلباته من آمان و حب و محافظه واهتمام ابدأ مش هايكون شخص سئ .
دايما الشخص السئ بيكون ليه أسبايه أدت أنه يكون كده وانا واثقه من كلامي!!
التعليقات