• دايما لما نشوف ولد بيعمل فعل غير مهذب او غير لائق للمجتمع اللي بيسكن فيه أول جميله بتطلع هي الولد / البنت دي قليله الادب مسألناش نفسنا هل الولد / البنت دول حياتهم عامله أزاي؟!

نقول مثلا و نجيب مثال علي ولد بيتحرش !

تعالو نشوف الاسباب اللي أدت لأن الولد يتحرش ب بنت في الشارع أولا هانقسم الاسباب الي سببين .

أولا : ممكن يكون السبب من الوالدين

ثانيا : ممكن يكون السبب من الصحبه

أولا: مثلا نمسك السبب الاول ونشوف تربيه الوالدين عامله أزاي بنسبه %75 الناس مش فاهمه يعني اي تربيه كل مفهومهم عن التربيه هل انت كلت شربت ذاكرت جبت درجات حلوه ويكتفوا بكده هل ده بقي كافي لإنه يبني مستقبل مشرف و مبهر لطفل لا مش هايبني اي حاجه صدقوني دايما التربيه بتبدأ من لما الطفل يتولد و مسئوليه التربيه بتكبر كل ما الطفل يكبر تعالوا كده من وجهه نظر شخص عادي يعني اي تربيه

طيب اولا التربيه بتنقسم لتربيه دينيه و حياتيه وطبعا ومش محتاجه نقاش أنه لو بدأنا بالتربيه الدينيه الاول ده هايسهل علينا كتير التربيه الحياتيه و أبسط حاجع نعملها أننا نعلمهم القرءان لو علمنا أطفالنا القرءان وخلاناهم يتعلموا هما وبدون اي تربيه حياتيه هايكونوا جاهزين يتعاملوا مع المجتمع لا وكمان هايكونوا نماذج مشرفه

كل ما خلاناهم يندمجوا في دين ربنا صدقوني أنتوا كده بترببوهم احسن تربيه ونيجي نسأل ليه هما طالعين كده و طالعين معقدين وتعبانين نفسيا ماهو مفيش دين مفيش أهتمام

ثانيا: وهي التربيه الحياتيه مهما الطفل كبر محتاج أنه يشوف ويحس بالحنان من الاهل محتاج يبقي اول دعم وصله.من اهله من حقه يعيش في بيئه هاديه و بدون خناق من حقه ان اهله هما اللي يبنوا ثقته ف نفسه من حقه يحس بأنه اغلي حاجه عندهم للأسف منتشر أوووي أطفال و مراهقين بيتصرفوا تصرفات غير مناسبه لسنهم ومش مناسبه لسن حد اصلا ماهو ده من اي ده من الاهل عدم انتباه و عدم وجود حب وحنان و عدم وجود خوف علي اطفاله مياريت يجماعه قبل ما نقرر نخلف نكون عارفين ان مسئوليه الاطفال مسئوليه كبيره و مش اي حد يتحملها .