اكيد انه سؤال جاء ببال بعض البشر, وممكن نكون نخاف من اشياء كثيرة, وممكن ما نخاف نخسر شيء !!
سؤالي واللي ممكن لا يعتبره البعض منطقي لكن المنطقية وش تعريفها ؟
لنفرض أن أكثر شيء تخاف تخسره حواسك, جزء من جسدك, مالك, شرفك, عائلتك, بيتك, عملك, صديقك ؟؟
بس بالنهاية حياتك بتستمر وبتستمر تتنفس وبتستمر تعيش على كوكب الأرض, اجل ليه نخاف نخسر شيء بالحياة وانت مستمر بالعيش فيها, يعني عندك فرص ثانية جايتك ؟ يعني احلامنا متجددة وطموحنا متجدد.
ممكن اللي كان عندنا مهم قبل عشر سنين الحين اصبح عادي, واللي كنا نخاف نخسره وحنا اطفال الحين ما نخاف !!
لما سألت السؤال على مجموعة من الناس كان ردهم لي وش هذي السوداوية ؟ ليه الحياة بمنظورك هذا ؟؟
وهو كان مجرد سؤال ؟
صحيح انه يثير تساؤل وقلق الناس اللي تقراء بس لازم يكون عندنا قاعدة " الحياة اللي تخسرك انت م تخسر شيء فيها "
لانك بتتابع العيش في هذه الحياة وفق خياراتك واختياراتك واذا كنا خايفين نخسر شيء فإننا فعلنا الاسباب اننا نخسره, وأولها خوفنا عليه, ولككن إذا خسرنا شيء فوق ارادتنا فهو قدر من الله والله يأتي بخير الأمور وكل شيء يجي منه خير فليه نخاف؟
مهما خسرنا راح نكسب ضعفين بس نركز على أنفسنا وعلى الرضا بالقدر والقناعة ويختلف مفهوم الحياة.
كلنا خسرنا اشخاص, ذكريات, اموال, حب, وبعضنا خسروا أنفسهم بتجربة الحياة !! بس بالنهاية كلنا نتنفس ونعيش ومازلنا نأمل,ونحب, ونعطي, وعندنا أحلام وآمال نبي نحققها هي رحلة الحياة كذا, ولازم نوقف نخاف.
التعليقات