انواع الشركاء 🤝🏻وازاي تختار شريك مناسب 👌🏻 واي مشاكل اللي ممكن تحصل بين الشركاء 💥

#إداره #شراكه #شركاء #شركات #ناشئة #نجاح

#management #partnership #startups

قبل ما تقرر تتدخل شريك مع حد تعالوا نفهم انواع الشركاء 🤝🏻وازاي تختار شريك مناسب 👌🏻 واي مشاكل اللي ممكن تحصل بين الشركاء 💥

📌أنواع الشركاء /

- الشريك الفعّال 💪🏻 ده بيدعمك بالمال وبيتابع العمليات وسير العمل.

- الشريك الصامت😐وده بيقدم الدعم المالي💵💰بس وملوش دعوه بأي حاجه تاني.

- الشريك بالعمل/ الشريك الإدارى 🤓وده عنده خبره في المجال كبيره وعارف الكبيره قبل الصغيره فية لكن مش هيشارك معاك بالفلوس.

📌طب اي أكثر مشاكل ممكن تحصل بين الشركاء/

1-عدم الالتزام بالاتفاق يعني اتفقتوا ع مهام وكل واحد فيكم المفروض هيعملها وكل واحد رتب دنيته علي ده علي سبيل المثال: شريك رقم واحد مسئول عن تسويق سوشيال ميديا وهيتابع العملاء وهيتواصل معاهم وشريك رقم ٢ مسئول عن الامور الماليه وشريك رقم ٣ مسئول عن المبيعات وفتح صفقات جديده للشركه وشريك رقم ٤ مسئول عن الاداره

تفتكروا لو واحد من ال٤ ملتزمش بالمهام هل الشركه هتنجح ولا هيحصل مشاكل تأثر ع الموظفين وإنتاجية العمل❓ طب لو حد فيهم عنده مشاكل اخلاقيه واحنا عارفين بس بنقول واي يعني ماهو شاطر مالناش الا شغله❌ مره في مره هو بس سمعته سيئه هيتقال أن كلكم كدا من الاخر هيتحكم عليكم زيه.

2/نقص الخبرة ، ناس ربنا فاتح ليهم ومعهم فلوس وعمالين يدوروا علي مشروع ناجح ويسالوا في كل حته اي أكثر مشروع ناجح❓عرفوا أن النشاط A ماشي كويس جدا مع ناس راحوا فوراا فتحوه وصرفوا وكلفوا مره واحده😱خسائر من كل ناحيه ، يرجعوا يقولوا ما الناس شغالين زينا والدنيا حلوه معهم اشمعنا ❓ببساطه الفلوس طبعا مهمه بس الاداره والخبره مهمة جدا ، من الأفضل متشاركش حد طالما معندكش خبره كافيه هتقولي ما هجيب حد يدير ، هقولك ✅ بس انت ضامن أن فاهم السوق صح والمجال ❓فاهم هيعرف يتصرف لو حصلت اي مشكلة في السوق وهيعديها❓واثق فيه ❓كذا حاجه تخليك لو معندكش خبره في مشروع افضل لك تشتغل باي مكان تتعلم وتاخد خبرة بعدين تفتح لوحدك.

3/ الاختلاف في تقسيم الأرباح، دي أكثر حاجه فيها اختلاف، يمكن لانه مكنش مساهم مادي بالاول وفي ناس تقولك الخساره دائما لصاحب راس المال،هقولك بالنسبه لنسبه الشريك الإدارى من الأرباح ممكن تتحد معاه ع سبيل المثال نسبتك ٢٠% لو الأرباح وصلت كذا وهتقل لو متحققتش في ناس للاسف مش هتتدفعها خالص لو محققهاش 🥸 كل واحد بيتفق ع حسب هو شايف اي والافضل راتب شهرى حسب سعر السوق ونسبه من الأرباح ياخدها لو وصلوا للتارجت المطلوب ، وكل ده مكتوب في عقد.

بوجه عام مفيش شيء إسمه طريقة صحيحة لتقسيم الأرباح بين الشركاء لكن بيتم الإتفاق بينهم بعقد قانوني يُوضح التفاصيل حتى تُحفظ حقوق الجميع و الأهم أن يكون تراضي ،الأرباح ممكن تتوزع سنويا اوشهريا على حسب مصاريف المشروع طبعا النسب تتاخذ من صافي الارباح بحسب كل مساهم بعد خصم المصاريف ودون المساس برأس المال، يفضل طبعا لو نسبه تتشال كإحتياطي.

📌طب ازاي اختار شريك ليا وننجح سواء/

- تكون محتاج لمهاره وخبره في بعض المجالات(التسويق، التواصل، النواحى المالية، أو إدارة العمليات...)

-شارك أشخاص عندهم نفس هدفك ، عندهم استعداد يتحملوا تقلبات السوق وتغيراته، ميزهقوش أن الطريق طويل ولسه ادامنا وقت ، عارفين دورهم هيكون اي ، بينكم لغة حوار مشتركه ولما تختلفوا يبقي باحترام وعارفين انكم في الاول والآخر هدفكم النجاح.