الواقع والمواقع
بنصحى الصبح نمسك الموبايل.
بننام والموبايل في ايدنا.
بقينا بنقضي نص يومنا واحنا بنتفرج على حياة ناس منعرفهمش.
#### المواقع: المتحف المزيف
الكل ناجح. الكل مسافر. الكل سعيد.
بس محدش بيصور الفواتير، ولا التعب، ولا العياط بالليل.
بنفتح انستجرام وتيك توك نلاقي حياة مثالية 24 ساعة.
لدرجة بقينا نقارن كواليس حياتنا بلقطات الناس المفلترة.
#### الواقع: الكواليس
في ضغط. في ملل. في أيام تقيلة.
في شغل متأخر وفلوس مش مكفية وطموح متأجل.
وده الطبيعي... بس احنا نسيناه من كتر ما بنتفرج.
#### النتيجة: لما الواقع بقى نكد
من كثرت الزيف في المواقع نسينا الواقع.
وأصبح الواقع نكد بنحاول نهرب منه على المواقع.
كأننا بقينا **جسد بلا روح**...
بنقلب وندور ونشوف عشان نشبع رغبة، أو عشان ننسى يوم كان تقيل علينا.
بقينا بنعيش عشان نصور.
بنفرح عشان ننزل ستوري.
بنتفسح عشان البوست يجيب لايكات.
نسيـنا نعيش اللحظة بجد.
#### الخاتمة
المواقع مش وحشة. هي مراية.
بس اوعى تعيش جوا المراية وتنسى الحياة اللي برا.
عيش واقعك... حتى لو ناقص. عشان هو بتاعك انت.
وانتم ايه رأيكم؟ المواقع غيرت نظرتكم للواقع؟
لا يوجد تعليقات بعد، كن أول من يبدأ النقاش