من الحاجات اللطيفة اللي بدأت في الإنتشار مع التكنولوجيا، هي فكرة المقابر الذكية.
بتختار كود مُعين يتحط على شاهد قبر قريبك المتوفي، على شكل كود QR بيتقرأ بالهواتف الذكية (زي اللي في الصورة تحت).. الكود بياخدك على سجل فيه بيانات الشخص المتوفي وإزاي مات وكان عايش فين، بمعنى أصح البيانات الأساسية.
الجميل بقى هو المساحة الفاضية العملاقة اللي بيدوهالك.. المساحة دي بتحط عليها صور وفيديوهات ومقاطع صوتيه خاصة بالمتوفي.. صورة اتصورتوها سوا بعد خروجة جميلة، فيديو بتهزروا فيه او مقطع كلامي بعتهولك أو حتى حاجة حلوة عملها لحد في حياته.
لو انت كشخص غريب ورايح تزور المتوفي وكان ليك موقف معاه مؤثر، بتحكيه وترفعه عالكلاود بتاعه، بحيث أي حد يجي يزوره يسترجع جزء من ذكرياته أو يعرف كان قد إيه شخص مهم لعيلته وفي ناس كانت بتحبه، او كتذكار جميل لضحكته لعيلته لروحه لما يروحوا يزوروه كل مرة.
أعتقد لو في إيدي، كنت هحب أعمل واحد لكل شخص يهمني وبحبه.
التعليقات