طلعت لفوق عند القمرات

ببص لتحت لقيت إشارات

عيال جعانين ومبتورين

ويتما بتهرب من الغارات

طلعت لقيت السما واسعة

نزلت على الارض التاسعة

ومتترصص بشر بفئات

باكوام وعيون متسعة

طلعت ازور الدنيا يومين

لقيت الدنيا ماليها انين

نزلت ابلغهم ما رأيت

عبرت الدنيا فى خطوتين

بمد لتحت يدوب شبرين

نزلت فى حضنى يتيم وجنين

سمعت صريخ طلعت انادى

ندهت لتحت هتطلع فين؟!

طلعت اقول للدم كفاية

وخلى السما تفرش نور

لقيته مكتفنى بعصاية

سحبنى لتحت وقالى ... ياريت !!!

ياريت الارض تزورها الضحكة

وتسمع نكتة

تشوف احوالنا

ولا اتغيرنا

يدوبك هما الخطوتين

خطوة فوق

وخطوة تحت

طلعت اقول للدنيا تفوق

لقيت الدنيا نزلت تحت