اسئلتي مش تكنيكال

هي خاص بإدارة الذات

تقدر تقول فؤاد من جوة بيهندل نتايج شغلة اللي بيوصلها ازاي ؟

السؤال_الاول

اية اللي بيخليك يومياً تصحي تشتغل ؟ اية الدافع المؤثر و القوي اللي بيخليك كل يوم تنجز في شغلك و تحقق نتايج ؟

بغض النظر عن وجود مشاكل عوائق بأنواعها ، مود مش متظبط ، تعبان ، نتايج في جانب معين مش محققة و مفتقدة

بعيدا تحديد الهدف و تحديد الرؤية و تنظيم الوقت و الكلام التنظيري دة

فؤاد حرفيا بيعمل اية لما بيحب ينجز مهام في يومة و يتغلب علي اي عوائق ممكن تحيدة عن تحقيق نتايج ..

إن امكن لو تستخدم موديل صغير عايز تحقق فية نتايج و تشرحلنا خطوات تنفيذها

مع توضيح الخطوات اللي بتضيفها لو الموديل وقت تحقيقة بيكون اطول و ازاي بتتغلب علي نقطة " العجلة " إنك بتبقي عايز نتايج سريعة!

--

السؤال_التاني

ف الكمبيوتر ، يقدر يشتغل أكتر من تاسك ف نفس الوقت علي حسب قدرة استيعاب البروسيسور للتاسكات

ولو التاسكات زادت عن حدها الجهاز ، بيهنج و احيانا

البروسيسور تقريباً بيحاكي العقل البشري

بتعمل اية لو لقيت نفسك اثناء شغلك بتفكر في اكتر من حاجة في نفس الوقت ، فبتلاقي نفسك out of control ، و حاسس بصداع ، و مش عارف توصل لحل في اي حاجة من اللي بتفكر فيها ، بل بالعكس توهانك زاد و تركيزك شرد و مودك بقي سئ جدا

ازاي بتقفل الملفات اللي ملهاش عازة وقتها و تبتدي توجة تركيزك علي التاسك المطلوب تنفذها و تبتدي تاخد خطوات تنظيمية تجاة افكارك و تبتدي تهندلها واحدة بعد واحدة