بدايتي كانت عند تخرجي من هندسة الحاسوب، اصبت بإحباط شديد، خرجت من الجامعة كيوم ولدتني امي احسست بانني لا افقه شيئا معلوماتي صفر ؛ ربما لانني لم احب هذا التخصص، لكنني كافحت حتى حصلت على معدل جيد جدا ، لكن كان اجتهاد مني ، كنت اواجه مشكلة مع البرمجة ، كنت افهم الادوات وكيف انشأ الدوال والى ما ذلك ، أما ان اكتب برنامج كامل متكامل لا استطيع الحقيقة، ربما لأنني أخاف من الفشل أو ان عقلي غير مناسب للبرمجة ، ويقولون بأن المبرمج يجب ان يكون له عقل منطقي، وانا لدي قدرة على التخطيط و المنطق ، لكن ارى نفسي أقل بدرجات ، أبكي على نفسي كثيرا لأن سنيني من الدراسة ذهبت سدى، وها أنا عمري ٢٦ أريد ان أكافح من جديد لعلي أنقذ سنين دراستي و استعيد لقب المهندسة ، فبحثت في عقلي عن أكثر الاشياء التي أحببتها في الهندسة ووجدت تطوير الويب و علم الشبكات ، فأقول هل لدي فرصة بالتعلم ام افقد الأمل
جئت عندكم حتى استشيركم و تعطوني خطة سير لتطوير الويب و خطة سير لعلم الشبكات وكيف انمي مهارتي فيهما ، حتى اتقنهما
ساعدوني
لو نفسك تتعلم ويب أو تعرف حد ناوى يتعلم ويب فده فيه كل التفاصيل اللى ممكن تحتاجها من كورسات و أدوات و كله تقريبا
أولا لازم تكون مفرق بين حاجتين فى الويب Front-end و ديه الحاجات اللى بيشوفها المستخدم أو client و تانى حاجة الBack-end و ديه اللى بتكون على السيرفر اللى عليه الموقع فممكن تعتبر انه الموقع ده موجود على جهاز تانى و انته داخل تتصفحه.
الناس اللى بتشتغل فى الويب بيتقسموا حاجات كتير بس فى العموم هما 3
Front-end Developer
Back-end Developer
Full-stack Web Developer
الاتنين الأولانين واضحين بيعملوا ايه و التالت ده اللى بيعرف يعمل الاتنين التانيين مع بعض زى العبد لله كده :D
بالنسبة للكورسات عشان تبدأ تقول يا رحمن يا رحيم فى ويب هتتعلم 8 حاجات أساسين أى حد شغال فى الويب سواء فريلانس او فى شركة بيكون عارفهم و هما:
HTML, CSS, JavaScript, Bootstrap, jQuery, PHP, MySQL, WordPress
أول خمسة دول ممكن تشتغل بيهم Front-end developer و الباقى Backend
بس النهارده معظم اللى فى السوق بيعرفوا كله يعنى لازم ال8 دول
طيب مين كل واحدة من دول بقى و ايه الكورسات و المدة المقترحة لتعلمهم :D
اولا HTML ديه اللى بنستخدمها فى تصميم هيكل الموقع أو البينية الأساسية و الى حد ما سهل تعلمها فيما عدا لو دخلت فى الحاجات الأحدث فى HTML5 زى SVG
الفيديو ده عشان تاخد فكرة سريعة:
الكورس ده مناسب جدا:
المدة: أسبوع
بعديها الCSS و ديه اللى بتعمل الشكل الجمالى و الألوان و المظهر و الصراحة أول ما هتتعلمها هتقول يااااه ديه سهلة أوى بس ديه بقى أصعب حاجة فى الFront و بتعمل بيها البدع فى التصميم
الكورس:
المدة: أسبوع
و بعد ما تتعلمها اتعلم حاجة اسمها SASS و هى زى الCSS بس هتخليك تكتب كود نضيف و هى سهلة جدا و كفاية عليها ساعة بالكتير
الفيديو:
ندخل بقى على الJavaScript و هى ملهاش أى علاقة بالJAVA من الأول كده عشان نكون واضحين :D و ديه اللى بتعمل الحركات و الحاجات اللى فيها تفاعل مع المتصفح و الى حد ما كمان بقت لغة لحاجات تانية كتيرة جدا هقول مثال عليها فى البوست تحت.
الكورس:
المدة: أسبوع
- الكورس ده على Lynda يعنى بفلوس فلو حابب تدفع ادفع أنا عن نفسى بسجل فى ال30 days trials و مقضيا معايا أوى و بجددها كل شهر بس كورساتهم محترمة جدا و فيه حاجات تانى هتكون منهم فسجل أفضل فيه
نتعلم بقى Bootstrap و ديه اللى بتخلى الموقع بقى Responsive و يشتغل نفس الموقع على الموبيل و اللاب و التاب و أى جهاز يجى فى دماغك و مفيش موقع بيتعمل من غيره النهارده. لو عرفت CSS فهو كفاية عليه ساعة بالكتير و الباقى تطبيق و كمان اتعلم حاجة اسمها Flexbox عشان بقى الكل شغال بيها فى الويب النهارده
الفيديو:
كورس FlexBox : ا
الjQuery ديه مكتبة فيها أكواد جاهزة للJavaScript و تعتبر سهلة جدا و بتسرع الشغل فديه مش صعبة
الكورس:
المدة: أسبوع
ندخل بقى على الحاجات التقيلة و ده الجد فى شغل الويب و هو جزء الbackend و نبدأ بالPHP و هى الحاجات اللى بتتنفذ على السرفر المستضيف للموقع و بعد كده تكون ملفات HTML عشان تتبعت للمستخدم او تخزن حاجة فى الdatabase
و الكورس ده من أجمل الكورسات اللى هتخدها و معاه كمان حبة MySQL
الكورس:
المدة: أسبوعين
فيه منافس للPHP او بعد ما تتدروسوا الكورس حاجة اسمها Apache المنافس ليها هى الNodeJS و ديه بقى بتتكت بالJavaScript بس خليكوا فى الPHP حاليا عشان هى الأوسع انتشارا
الMySQL ديه نوع من أنواع الdatabase اللى بنخزن فيها الداتا و فيه لغة عشان نتعامل بيها معاها و هى الSQL و ديه اتعلمتها من كتر الشغل و المرجع الأساسى لأى web developer العملاق W3Schools و ده مرجع لأى حاجة حابب تتعلمها
اللينك:
آخر حاجة و ديه ديما اللى هتلاقى عليها خلاف و هى المكتبات اللى بتسرع الشغل و تطوير أى موقع و فيه أنواع كتير جدا زى WordPress و Laravel و CodeIgniter و حاجات تانى كتيرة
أنا اخيارى كان على ال WordPress لأنه مستخم فى أكتر من 20% من موقع الكوكب النهارده و له اضافات تانى كتيرة جدا و حماية و كمان open source يعنى ممكن تعتبره Linux فى عالم الOperating Systems
احسن كورس خدته هو طويل بس هيغطى معاك اوى
الكورس:
المدة: 3 أسابيع
- ملحوظة انه فيه فروق جوهرية بين WordPress و Laravel فالأولى ديه Application و التانية Framework هو فيه فرق كبير بينهم بس مش مهم التفاصيل ديه فى الوقت الحالى
فيه كورس بقى حلوا جدا مجمع قشور من ال8 حاجات اللى فوق ديه و هيكون مناسب تبدأ بيه فى الأول عشان تاخد نبذه حلوة عن كل حاجة و هو من على Udemy وسعره ديما بيتغير عشان بيكون عليه عروض فده مثلا دلوقتى ب15 دولار فهيكون مناسب كبداية لو عاوز حاجة فى مكان واحد فى الأول
الكورس:
التعليقات