هو الموضوع ليه ايجابيات و سلبيات

الايجابيات ان المستخدم هايكون اسرع ليه انه يسجل فى الموقع مستخدم جديد و او لما يعمل تسجيل دخول

و بيكون اخسن لان المستخدم مش هايتعب نفسه انه يفتكر اسم المستخدم و الباسورد

ده غير ان كده هايكون حسابه فى موقعك مربوط بحسابه فى شبكة اجتماعية وده بيقلل عدد الاكونتات السبامرز و ممكن تاخد صلاحيات تساعدك على نشر موقعك

السلبيات ان ممك واحد مايكونش عنده حساب على الشبكة الاجتماعية اللى انت بتسحل بيها وده بيحط على عاتقك انك تعمل السبورت لاكتر من شبكة اجتماعية، و ده بيرجعك لمشكلة ان كل شبكة بتدى بيانات مختلفة يعنى فيسبوك بيديلك الايميل وتويتر بيعمل عبيط فى موضوع الايميل و ده بيخليك تعمل خطوة زيادة تكلم البيانات الناقصاك على حسب الشبكة،

مشكلة تانية ان احيانا بيكون اصعب انك تتكامل مع الشبكات الاجتماعية عن انك تعمل نظام مستخدمين

و لو فى يوم حصل مشكلة لنظام الدخول فى الشبكة الاجتماعية او عملوا تعديلات على الواجهة البرمجية من غير backward compatibility هاتقول على السيستم بتاعك يا رحمن يارحيم لحد ماتطوره علشان يتوافق مع النسخة الجديدة من الواجهة البرمجية