الحمد لله الذي تتم بنعمته الصالحات.
بقالي أربع سنين شغال على تطوير تطبيق وموقع (المصحف) وبفضل الله أصبح متاح دلوقتي ليكم سواء كموقع أو تطبيق بدون انترنت.
تطويره أخد مني كل الوقت ده لأني كنت شغال عليه كل حاجة يدويا بدون مكتبات جاهزة أو Api وحتى التفسير يدويا وكل كود فيه هو عبارة عن pure HTML,CSS,JS والمبرمجين هيبقوا فاهمين يعني تشتغل بدول بس لبناء موقع وتطبيق بشكل كامل من الصفر.
"التطبيق هو هو الموقع بالظبط بس من غير نت"
تعالوا نشوف ايه هي مميزاته (التطبيق):
1- بيشتغل بدون انترنت عشان تقرأ قرآن في أي وقت وفي أي مكان إن شاء الله.
2- مساحة التطبيق صغيرة جدا وينزل على أي موبايل.
3- خليت الواجهة بتاعته بسيطة جدا بدون أي تعقيدات عشان يبقا استخدامه سهل.
لو شايف إن المميزات دي عادية لسا في كتير.
4- تفسير فوري لأي كلمة أثناء القراءة بمجرد الضغط عليها وتقدر تلغيه من الإعدادات.
5- البحث عن أي كلمة وبيظهرلك كل السور اللي فيها الكلمة دي وبرقم الآية كمان ولو دوست عليها يوديك على السورة وبالتحديد عند موضع الآية بالظبط.
6- بدل ما تعمل انت scroll هتلاقي في سهم على إيدك الشمال من تحت لو دوست عليه يعمل scroll لوحده وابقا ظبط سرعته من الإعدادات.
7- تعديل شامل لكل حاجة في الموقع من الإعدادت زي (حجم الخط - كل الألوان اللي في الموقع - لون الكلمات اللي ليها تفسير - سرعة التمرير التلقائي) عشان تظبط التطبيق كله على مقاسك.
8- ظاهرلك في أي سورة أو الجزء اللي بتقرأه اسم السورة والجزء والأحزاب وربع الحزب.
9- طبعا خلي ليك ورد يومي بس لو مش ليك أو خلصته وعاوز تقرأ سورة ومش عارف تقرأ سورة ايه التطبيق هيخترلك سورة تقرأها وكذلك مع الأجزاء.
10- بدون أي إعلانات إطلاقا.
(الحمد لله)
طبعا دي أول انطلاقة وبإذن الله في مزايا كتير جاية في الطريق. خليك من أول الناس اللي تحمل التطبيق وشيره.
قال النبي ﷺ : {من دل على خير؛ فله مثل أجر فاعله}.
واحنا داخيلن على رمضان قريب إن شاء الله وهتحتاج مصحف معاك على طول.
- رابط التطبيق:
- رابط الموقع:
متنساش تقيم التطبيق 5 نجوم 🌟🌟🌟🌟🌟 لأن ده بيفرق جدا وبالأخص في البداية.
وشكراً!
الحمد لله.
التعليقات