كيف هو سوق العمل في السعودية في برمجة الويب فرونت او باك

وعليكم السلام ورحمة الله وبركاته

بالنسبة لسوق العمل في السعودية فهو اكثر الاسواق المليئة بالمشاريع البرمجية سواء كانت مواقع او تطبيقات هاتف او انظمة سطح المكتب خاصة مف برنامج رؤية 2030 والاتجاه نحو الاتمته في كل شيء.

لكن في الواقع نسبة كبيرة من هذه المشاريع يتم تنفيذها بواسطة مستقلين حتى الشركات اصبحت ترسل بعض المشاريع التي تصلها الى مستقلين لانجازها.

اذاً الاتجاه عالمياً و في السعودية اصبح نحو المستقلين لتقليل التكلفة والحصول على كفاءات من بلدان مختلفة.

لكن انت كشخص بادئ ميزة الشركة بالنسبة لك انها بتخليك تحتك بمطورين اخرين تستفيد من خبراتهم وتتطور بسرعة اكبر.

لذلك انصحك انك في البداية تاخد دورات بصورة معقولة ويكون معها تطبيق عملي او تحضر crash courses لأنها بتختصر عليك كل اللغه في ساعات بسيطة لأن بعض الناس يركز على الدورات ويترك التطبيق بعد ما تحس انك اتمكنت جيداً من المجال اللي اخترته وهو الويب مع الالمام بقواعد البيانات انك تبدأ تعمل مشروع مشروعين تتدرب بيهم على العمل و منها تكون عملت معرض اعمال جيد علشان تقنع بيه اصحاب العمل انهم يوظفوك كمستقل او موظف بأجر ثابت.

بالنسبة لسؤالك عن الفريموركات واللغات المستخدمة صراحة بالنسبة للسوق العربي فأغلب المشاريع بتتعمل بالphp وبتنقسم لنوعين النوع الاول وهو اللي يسميه اصحاب العمل البرمجة الخاصة وفعلياً هي البرمجة بدون استخدام اي cms مثل الوردبريس او الشوبيفاي او غيرها..

والنوع الثاني هو المشاريع اللي بتتعمل بالcms زي الوردبريس والشوبيفاي والكوديغنيتور.

فعلشان كده انا بنصحك كأنسان باديء انك تبدأ تتعلم الاساسيات وهي الHTML و الcss و الjavascript ومن ثم تدخل على البوتستراب وبعد كده تدرب نفسك بأنك تحاول تقلد تصاميم المواقع علشان تطور مهاراتك وتضيف التصاميم لمعرض اعمالك.

بعد كده عليك انك تدخل على الphp و تحاول انك تتقنها في الاول وتعمل كم مشروع بيها من دون فريموركات

بعد كده ممكن تتعلم اللارافيل وهي فريمورك تابع للphp و الوردبريس او الشوبيفاي او الكوديغنيتور اي واحد منهم كبداية وتعمل لك كم مشروع.

بكده انت بتكون مؤهل لدخول سوق العمل جداً وكلما تتطور الشركات هي اللي حتجيلك لحدي عندك.