السلام عليكم ورحمة الله وبركاتوا
خليني اتكلم باللهجة العامية المصرية و اطرح موضوعي
- اليوم جالي صديق و طرح علي سؤال : لية لسة بنستخدم انظمة ويندوز و هي مخترقة او سهلة الاختراق و عندنا انظمة الماك و اللينوكس بس برضوا مش بنستخدمها ؟
الاجابة فعلأ كانت صعبة !
لو وضعنا صحة كلام صديقي .. فأن اغلبية مخترقين الاجهزة من BlackHat Hackers بيستخدموا برامج RAT مثل NJRAT في اختراق الاجهزة
و مع تتطور الفكرة اصبحت البرامج دي ليها " تشفيرات " لتخطي كل برامج الحماية , بمعني اصح اذا استخدم الهاكر او المخترق الهندسة الاجتماعية معاك
زي ممكن يخش يقولك " شوفت برنامج Winrar كامل " يقوم الضحية يقولوا هات اجربوا و لو الضحية شاكك ممكن يعمل Scan ببرامج الحماية و يلاقي البرنامج نضيف
في الحالة دي بيتم اختراق الجهاز و الضحية بيفتكر اني البرنامج تالف و بيقوم بمسحوا بكل سهولة بعد ما ينتشر الملف في الجهاز و تصبح بياناتك و جهازك لعبة في يد الهاكر
و لو جربت بطريقة او الثانية انك تنزل تطبيق او برنامج زي Internet Downloader Manager من احد المواقع اللي بتديك البرنامج معاه Crack او Keygen فية بعض الهاكرز بيقوموا بتلغيم الملفات دي
و يبقا الملف مفيد و ضار في نفس الوقت .. طب و اية العمل
لو جربت تستخدم نظام لينوكس بكل توزيعاتوا , ممكن تحط نفسك على كفتين
الاولي : انك هتنسي حياتك قبل Windows ببرامج و الالعاب
الثانية : هتنزل Windows و لينوكس مع بعض
انا بنصح بالحل التاني , لينوكس مش متوافر معاه كل البرامج اللي بتحتاجها حتي الان على Windows
يعني لو حضرتك مصمم جرافيك و اتعلمت على Photoshop صعب تستخدم Gimp بين يوم و ليلة
ولو انتا Gamer مش هتلاقي الالعاب في Linux عكس Windows
دة مش احباط بس لو بصيت من نحيت السلاسة و الخفة في الاستخدام هتستخدم ليونكس
ولو وجهت نفسك لستخدام البرامج و الالعاب هتستخدم ويندوز
ولو عاوز تحمي نفسك للابد من الاختراق هتستخدم لينكس
اية الحل ؟!
كعرب شايفين الموضوع ازاي ؟
التعليقات