التسوق التقليدي لم يعد بنفس الأهمية في عصر الشراء عبر الإنترنت

وجهة نظرك منطقية، تجربة التسوق التقليدي تمنح احساس بالتفاعل المباشر ،لكن لو نظرنا لتطور التسوق الالكترونى سنجد انه اصبح خياراً أساسياً للكثيرين، البعض يفضل الراحة وتوفير الوقت خاصة مع خدمات مثل الشحن السريع والارجاع المجانى، التسوق الالكترونى فرض تحديات جديدة على التسوق التقليدى ليواكب هذا التغيير ويطور من استراتيجياته

رغم ان التسوق الالكترونى ضرورة للكثيرين الا انه لا يلغى تجربة الشراء المباشرة خاصة مع بعض المنتجات، أما التسوق الهجين يبدو كحل وسط يجمع بين الافضل فى العالمين، لكن نجاحه يعتمد على مدى قدرة الشركات على تحسين التجربة وتلبية توقعات العملاء فى كلا الجانبين 

بعد كورونا فعلا كتير مننا جرب التسوق الالكتروني، حسينا براحة الشراء أونلاين، ولقينا إنه حل عملى بيوفر وقت ومجهود، خصوصًا لما تكون عارف بالضبط اللي محتاجه. لكن المثير للاهتمام إن الشركات نفسها بدأت تواكب ده وتدمج التجربتين زي بعض متاجر الملابس اللي بقت توفر تجربة افتراضية باستخدام الواقع المعزز، كأن التسوق التقليدي بدأ يدخل العالم الرقمي بدل ما يكون العكس ، المهم إزاي كل واحد فينا يلاقى التوازن اللى يناسبه بين الراحة والتجربة الفعلية. ومع التطور السريع ممكن نشوف مستقبل يكون فيه التسوق كله تجربة تفاعلية

الجمع بين الطريقتين بيحقق المعادلة الأفضل، وده اللي بدأنا نشوفه مع التسوق الهجين، زي لما تطلب المنتج أونلاين لكن تروح تستلمه بنفسك وتتأكد منه قبل الدفع. كمان شركات كتير بتطور حلول ذكية زى أمازون اللي عندها متاجر Amazon Go، كل شيء بيتحسب تلقائى. بس هنا السؤال، هل ده هيخلينا مع الوقت نتخلى تمامًا عن متعة التسوق التقليدى؟ تقدر تلمس المنتج وتجربه، وتاخد رأى حد معاك، أو حتى تكتشف حاجات ما كنتش مخطط تشتريها أصلاً ، مهما تطور التسوق الإلكترونى، لسه فيه جوانب إنسانية في التسوق التقليدي صعب التكنولوجيا تعوضها بالكامل.

كلامك في محله! التسوق التقليدى تحول عند كثير من الناس من مجرد شراء احتياجات إلى تجربة اجتماعية أو ترفيهية. ناس كتير بتشوفه انه خروجه ، تروح المول، تتفرج على المنتجات، تقعد فى كافيه، تتعشى، ويمكن حتى تحضر فيلم في السينما.

على العكس، التسوق الإلكترونى عملى وسريع، لكنه بيحرمنا من التجربة دى. بس حتى ده الشركات بدأت تشتغل عليه، زى إنك تقدر تجرب لبس افتراضيًا بتقنية الواقع المعزز، أو تدخل متاجر رقمية بتجربة 3D كأنك بتتجول فيها ، ده ممكن يعوض الجانب الترفيهى للتسوق التقليدى الا ان البعض مازال محتاج زيارة الأسواق والمولات عشان يحس بمتعة "الرحلة"