انا مش مش عارف اتعامل معاه لاء انا مش عايز اتعامل معاه .. الجمله ديه انت ممكن توصل اى حد بيتعامل معاك فى حياتك انه يقولها بمنتهى السهولة .. طيب امتى ؟؟؟؟؟
لما تحط لنفسك حاجات معينة فى دماغك هى اللى بتبسطك او بتزعلك واكن مفيش حاجة تانية ممكن تخليك مبسوط او زعلان بسبب بسبب ان الحاجات ديه او الافكار ديه انت بتكون عايزها بشكل معين وبطريقة معينة وتبقى شخص محير للاخرين وتلاقى نفسك واصل لمرحة انك مش عارف تفرق فى التبيعر عن مشاعرك وتبدأ الناس تفهمك غلط وتبقى طول الوقت بتبرر وتفهم اللى حوليك طبيعة مشاعرك
وطالما انت عملت لنفسك حصار على الافكار اللى بتفرحك وبتزعلك هتلاقى الناس حوليك فى البداية بتقترح عليك افكار تانية للخروج من الحالة المزاجية ديه وديه اول مرحلة وطبعا بما انك مركز على افكار معينة فى دماغك انت بترفض الافكار الجديدة ديه ولو وافقت بتوافق وانت من جواك رافض وده راجع لمدى علاقتك بالشخص اللى بيقدم الاقتراح
وبعد كده بندخل فى مرحلة الحير للاشخاص اللى حوليك وتلاقى كل اللى حوليك واصلين لمرحلة السؤال التالى طيب انت عايز ايه طيب اللى انت هتقول عليه هنعمله عشان تكون مبسوط وبعد كده توصل لاخطر مرحلة انك تلاقى كل اللى حوليك كل واحد فيهم بيبعد عنك واحدة واحدة لو مكنش عشان مش عارف يتعامل معاك هيكون عشان مش عايز يتعامل معاك من كتر ما انت محير.
طبعا اللى على الحاية ديه هيسأل سؤال مهم وايه المشكلة لما اللى حوليا يعرف الكام حاجة اللى بتبسطنى ويعملهم وشكرا على كده ؟؟
هقولك الموضوع ده لما بيزيد بتحصل حاجة خطر جدا من غير ما تاخد بالك او تبقى واعى ليها وهى ايه بقى الحاجة ديه انك بتكون عايش عشان تلبى رغباتك من غير ما تلبى احتياجاتك يعنى مثلا لما فى حاجة هتفرحك فى مقابل انك متروحش الشغل ممكن عادى جدا تستغنى عن الشغل وان لو فى حاجة هتبسطك فى مقابل متروحش تقابل صاحبك اللى هيزعل لو مروحتش عادى
وده معناه انك بعد كده فى حياتك هتختلق الاعذار والمبررات لكل حاجة بتحصلك فى حياتك فى مقابل تعويض الاحساس بالفرحة او المتعة اللى انت بتسعى وراها تلبية لرغباتك وليس احتياجاتك
وده هيفقدك الشعور بالمسؤلية اتجاه نفسك واتجاه الاخرين
ده هيفقدك الاحساس بنفسك وبالاخرين
ده هيفقدك متعة الحياة الحقيقة فى مقابل متعة مزيفة
هيفقدك اهم الناس اللى بتحبك لانك بقيت غير قادر على تقبل الامر وانك متقبل اللى فى دماغك وبس
اخطر مرحلة ممكن توصل ليها انك تسعى ان الكون كله يمشى على مزاجك لتلبية رغباتك وليس احتياجاتك وديه المعناه الحقيقة اللى هتكون عايش بيها فى حياتك
