بص بقي ..لو انت كــ بني أدم مصري صميم لسه فاكر دروسك في مادة العلوم في المرحلة الاعدادية العظيمة في منظومة تعليم مصرية خارقة يبقي أكيد فاكر التصور العظيم لبنية الذرة :D اللى هو

ان الذرة تتكون من نواه ( برنسة كده في نفسها ) تتوسط الذرة وتتلولب ( تدور يعني ) حولها الالكترونات في مدارات وما فيش مانع بقي لو تخبط الالكترونات دي في النواه بين الحين والاخر

قالك بقي ايه ...ان التصور ده ( وهو اساس صميم في فيزياء العظيم نيوتن طبعا ) مستمد ومستوحي من وضعية الكواكب حول الشمس المستقره في قلب المجموعه الشمسية ( كنواة ) والكواكب تدور من حولها ( كالالكترونات ) ....ده كلام لسنين عديدة كان منطقي بس المشكلة فين

أقولك :D >> أي فرضية او نظرية بتكون صحيحة ومعتمد عليها ( بفتح التاء يعني ) طالما تعطي تنبؤاً صحيحا ( يعني طالما بتتوقع شئ بطريقه صحيحه او بتعوض في المعادلة بتاعتها من الاخر وتديك نتائج منطقية ومقبولة ) .... (مسا مسا ي ابياهيم Hossam Eldein :D ) مشكلة الفرضية اللى فوق لو اخدت بالك في نص الكلام كده قلت انها بتفترض ان الاللكترون بييخبط في النواة اثناء الحركة المدارية بتاعته وده كان تنبؤ خاطئ ( فتيه كده ) للبرنسين اللى ابتدوا اسس النظرية الكلاسيكية ... ليه ...اقولك التجارب مع الوقت اثبتت انه مستحيل الالكترون يخبط في نواته وكانت من هنا بدأت فيزيا نيوتن تفقد مصداقيتها وكان لازم نغير وجهة نظرنا وطريقة تفكرينا ورؤيتنا لطبيعة الذرة ...ومن هنا دخلت الفيزياء منعرج مختلف وهو الفيزياء الكمية (الفيزياء النظرية ) اللى في الاساس قائمة على مبدأ عدم التواجد في مكان ما وعدم الثبات ان جاز التعبير وفرضية انه ما فيش مانع ان الشئ اللى انت شايفه حاجه واحده ممكن يكون مجموعة حاجات بتتحرك في مكان ما بسرعه كبيرة جداااا فبتكون لك الحاجه اللى انت شايفها دي ( زي كده زجاجة ماء فيه شوية ماية لحد النص كده ونصها التاني فاضي ..فانت لو قفلتها ورجيتها كده بسرعه ...هيتهيئ لك انها مليانه ع الاخر ) ...فكل اللى حوليك بيتحرك ويتغير صفة ومكانا مع الزمن بس انت مش ملاحظ ده ... ( اممم ده موضوع هنحكي فيه كتير في مرات جايه ... حبيبي :D )

ببساطة القردة كده ( المادة كانت محتاجة لكونسبت مختلف في التفكير عشان نقدر نوصفها توصيف دقيق ...كونسبت ما يعتمدش ع التجربة بس ...اومال يعتمد على ايه يا حلتها :) ...يعتمد على التوقع النظري والفرضية الرياضية على اساس من الفروضات اللى بتتغير من واحد للتاني فيكون مواكب للتغير الكمي اللى قائمة عليه الفيزياء النظرية من الاساس )

ماشي بيقي كده فيزياء نيوتن ودروس العلوم بتاعة الاعدادي ده كله طلع غلط ... ( لا ده انا اروح فيكم في داهية )

ما نقدرش نحكم علي فيزياء نيوتن انها غلط ..لانها بتعطي تنبؤ صحيح لكثير من الظواهر على المستوي المرئي (ان جاز التعبير ) مشكلتها بتكون على المستوى الذري او على مستوى الافلاك والنجوم ...يبقي ممكن نقول عليها نظريات منقوصة بس مش غلط وده بس ( عشان نراعي غيبة العظيم اسحاق نيوتن ) وعشان ( عمي عبد الخالد- مدرس علوم في الاعدادي - يدخلني البلد تاني وده راجل ما اقدر1ش ازعله :D )

المهم وملخص الحوار لو انت لسه فاكر ان الذرة بتتكون من نواة ثابته يدور حولها الكترونات في صورة كتله ثابته في مدارات محددة ..اذا انت 70 سنه متأخر عن تاريخ العلم

فأهلا بيك في مسح الثوابت ي كبير :D

CeSaR2017

( اه ..انا مش متخصص في الفيزياء ..بس بحاول نفهم مع بعض :) ...