انقراض لغة PHP حقيقة او وهم

من فتره مش كبيره كان الموضوع زايد عن حده ان لغه ال php لغه مهددة بالانقراض رغم انها لغه حديثه بالمقارنة بلغات تانيه

و كان بعض الاسباب اللي خلت الناس تقول كده ان الجافاسكربت بقالها فتره طويله متصدره الاول علي العالم من حيث الاستخدام و من حيث الشغل والموضوع عمل مشكله اكبر لما اصبح فيه امكانيه للجافاسكربت انها تشتغل كسيرفر سايد و كمان مع تدخل مكتبات البايثون زي الديجانجو و الي اخره و كمان مع فتره طويله من ركود ال php و عدم ظهور اي دعم او حركه...الناس كان لازم تقول كده بس دي كل الحاجات السلبيه

خلينا نشوف دلوقتي كل اللغات اللي في العالم مجتمعها عامل ازاي..مفيش دعم ولا قوي تضاهي مجتمع ال php.. حتي بايثون تعتبر فريق صغير بالنسبه لمجتمع ال php

ثانيا احنا فعلا عندنا فتره ركود واللغات التانيه بتتقدم بس المجتمع ال php ابتدي يقف تاني بعمله ل php 7 و صحيح هو بقاله قرابه السنه ولكن اضاف حاجات كتيره قويه و غيروا طريقه ال interpreting للكود و ده شئ مش بنشوفه كتير...وكمان ضيف علي كده حاجه تانيه مهمه

مجتمع ال php لانه قوي جدا اتقسم بعد كده لكذه حاجه او زي ما بيقولوا islands و اتعملت كذه حاجه قويه زي WordPress, Joomla, Symphony و الي اخره و كل واحد منهم اثبت وضعه و بعد كده قالوا لازم يكون فيه حاجه اسمها bridges و عشان كده ابتدت الحاجات ديه ترتبط ببعض ده غير الframeworks اللي بتتعمل...و دلوقتي بعد ما كان كل island مستقله بذاتها دلوقتي اصبح اي مؤتمر بيتشرح فيه حاجه معينه مثلا زي WordPress لازم يكون في فقره معينه يتشرح فيها حاجه تانيه من ال php

و المغزي من كل ده ان لكل فارس كبوه و اللغه ديه مش ضعيفه ابدا و هي اقوي اوبن سورس في الوقت الحالي و مجتمعها قوي جدا

يا ريت الناس متقللش من المجتمع ده اللي اصلا فيه كتير ميعرفوش بوجوده و زي ما فيه لغات بتديك مميزات احنا عندنا مميزات كتيره جدا لحد دلوقتي مش عارفين يغطوا نصها

اعرف حجم اللغه قبل ما تحكم عليها هي قويه ولا ضعيفه