السلام عليكم
انا جديد فى ارابيا لكن كان ليا ملحوظه بلاحظها فى كل مجتمع تقني "عربي". بلاحظ دايما ان اهتمام المبرمجين فى العالم العربي دايما فى بكون فى برمجه الويب او تصميم المواقع. الاهتمام باللغات العادية زي السي والسي++ او اللغات المقابله مش عالى اوي.
المحلوظه التانيه: وهي اهتمام المبرمج العربي او اي مجتمع بانه يكتب كود فقطز بمعني ان فى اهمال كبير فى موضوع "Computer Science" او "under the hood" زي ما بيقولوا . ملاحظتش ان فى حتي محتوي عربي عن Algorithms.
الملحوظه التالته: المحتوي العربي فى مواضيع كتير يعتبر زيرو بالنسبه للغات تانيه زي الانجليزي والاسباني مثلا. دايما بتمني مثلا تكرار تجربه كتاب "اوبنتو ببساطه" فى لغات البرمجه كلها. ليه مثلا كل مجموعة مبرمجين فى لغه ما بيتقنوها يشتغلوا على كتاب فى اللغه اللى شغالين بيها (كتاب واضح مغطي اللغه بيغطي فهم الكود مش مجرد يعلمك تكتب كود) او حتي ترجمه مراجع بشكل مبسط وكل الكتب دي تتجمع كلها فى موقع تبقي مرجع برمجي للمبرمج العربي
كل الكنب العربيه الموجوده معظمها زي ملخص او مذكره مش كتاب وعلى حسب الكتاب اللى جربته كان مليان اخطاء واكواد كتير مش بتشتغل.
ليه مافيش برده موقع زي Ask ubuntu (انا معجب جدا بفكره "Ask Ubuntu") المجتمع العربي فى امس الحاجه لمشروع زي ده .
اتمني ان يجي يوم الاقى موقع برمجي عالى المستوي فى الفكرتين دول. وباللغه العربيه واكيد الافكار كتير بس ربنا بوفق الكل ومحدش هيقدر يعمل الافكار دي كلها لوحده
ده اللى بلاحظه غالبا. جايز اكون غلطان او عندي قصر فى الرؤيه (اتمني ذلك :) )
وشكرا