سلام عليكم يا رجالة،
أنا مبرمج ومحلل بيانات مستقل من مصر (مستوايا متوسط في بايثون وبحب الـ Data Analysis). عندي 15 سنة، بس عقلي وتفكيري سابقين سني بشوية، وبقدر أتعامل مع أي حد وأي سن عادي جداً طالما الشغف والدماغ واحدة والمصلحة البرمجية مشتركة.
أنا أسست مشروع برمجيات سميته MoraCodeX، وحجزت النطاق والموقع بتاعه رسمي على جيت هب علشان أحمي الاسم وأثبت ملكيته الفكرية والزمنية من دلوقتي للمستقبل.
تقدروا تفتحوا وتشوفوا الشغل وتصميم الموقع وروابط السوشيال ميديا الحقيقية من الرابط الرسمي ده:
المهم.. أنا مش جاي أقولك عندي شركة وفريق، أنا ببدأ من الصفر وبثبت جديتي.
هدفي أجمع كام حد مبرمج أو حابب يتعلم بجد، ونعمل مع بعض "جروب أو فريق" نذاكر فيه سوا، نشجع بعض، نشارك أفكارنا، ونبدأ نطبق ونعمل مشاريع حقيقية مع بعض علشان نطور مستوانا. وفي المستقبل لما نكبر والمشروع يتحول لشركة حقيقية، نكون إحنا الفريق الأساسي وجاهزين نكتسح مع بعض وعارفين دماغ بعض كويس بدل ما نقعد ندور على ناس غريبة.
مش مهم سني أو سنك كام، المهم تكون دماغك شغال وبتحب التكنولوجيا بجد وعاوز تعمل حاجة ومبتكسلش.
لو حابب تبدأ الرحلة دي معايا ونتعلم ونبني سوا، ابعتلي خاص هنا في الموقع أو تواصل معايا من روابط السوشيال ميديا اللي في موقعي، وخلينا ندخل في الكلام الجد ونرتب دنيتنا! ا
وشكرا لكل شخص مهتم
