بوست مخصوص عن PHP / MySQL

ناس كتيير اوى حاسس انهم مستصعبين شغل ال develop و شايفينه صعب فى حين انا عندى ابرمج 24 ساعه php & Mysql و ممدش ايدى فى HTML / CSS

فالبوست دا ان شاء الله هيفيد ناس كتير منكم

دى شوية قواعد و ارشادات لو مشيتو عليها هتفهمو التيتة

1- لازم الاول تبقى فاهم الكونسبت بتاع البرمجه الثابت فى اى لغة الى هوا عباره عن

  • Data Types (int , string , float , ... )

  • Conditions (if - else if - else - switch )

  • Loop (for - foreach - while )

  • Arrays

  • Functions

2- لو ضمنت الى فوق كلهم و طبقت عليهم البرامج الصغيره زى الاله الحاسبه و غيره يبقى انت فاهم كويس برمجه و ندخل ع الخطوه الى بعدها

3- البرمجه بجد بتبدأ من هنا انك اتعلمت اساسيات محتاج بقا تعرف شوية دوال خاصه بلغة البى اتش بى الى هتتعامل بيهم زى

include / require / isset / empty / string functions (strlen , explode , implode ) / header

و غيرهم كتيير طبعا انا بكره الحفظ بس من كتر الدروس و السكريبتات غالبا هتحفظهم و هتعرف فايده كل حاجه

4- البى اتش بى لوحدها ملهاش لازمه لازم تكون فاهم SQL و مع الويب هنتعامل بMySQL دى لغة عشان تتعامل مع قواعد البيانات

طب ليه بنستعمل اصلا قواعد بيانات

موقع زى الفيس دا عنده ملايين الاعضاء و البوستات و الرسايل محتاج حاجه يخزن فيها الكم الهائل دا من الداتا فبسيتخدم قواعد البيانات

نصيحه : لو فهمت سيكوال صح و عرفت تتشقلب بيها هتعمل اى حاجه تخطر ببالك ع الويب

لازم تتعلم كل الدوال بتاعتها و تتعالم معاها ازاى و تستخدم الطرق الجديده و المتطورة فى كتابة الكود

5- سكريبت من غير حماية دا معناه انك ديفيلوبر فاشل لازم تبقى فاهم اكترية ثغرات الويب و ازاى تحمى نفسك منها

6- اخر خطوه محتاج تتعلم OOP و دا الشرح فيها كتير خلينا نأجل فيها الكلام شويه

المهم كدا انت فهمت ايه المطلوب منك

الشغل بقا بيمشى ازاى بص يبن الحلال هما كام خطوه بالزبط فى اى سكريبت

1- input داخل من فورم

2- عملية معينه بتعملها :

  • لاما بتدخل حجات فى قاعدة البيانات

  • لاما بتجيب داتا من قاعدة البيانات

  • لاما بتعدل داتا فى قاعدة البيانات

-لاما بتمسح داتا من قاعدة البيانات

دى اهم العمليات الى بتعملها بناء على السكريبت بتاعك

3- عاوز تطبع output جاى من قاعدة البيانات

مفيش سكريبت بيخلو من ال 3 خطوات دول تعالى نشوف

  • سكريبت زى نظام register / login

اول خطوه بتدخل input من فورم الى هوا اسمك و الباص و بعد كدا بدخل الداتا عندى فى قاعدة البيانات بعد كدا لو عاوز اعمل login بجيب الداتا من قاعدة البيانات و بطابقها بالداتا الى انت مدخلها و لو صح متطابقين يبقى ادخلك ع البروفايل

  • سكريبت بيخليك تنزل بوست

اول خطوه فورم تملى فيها البوست بتاعك و العملية هتدخل الداتافى قاعدة البيانات و اخر عملية بجيب الداتا تانى من قاعدة البيانات و بطبعها على البروفايل عندك

و شيل بقا اى سكريبت بنفس الفكره ممكن تضيف فى النص شوية خطوات صغيره زى مثلا عاوز تشوف عدد الرسايل الى عندك فبيبقى هو هو نفس عدد الصفوف الى فى جدول الرسايل بتاعك او تعمل سيرش فى قاعدة البيانات كدا يعنى

اخر خطوه نتعلم ازاى

بص يا صحبى هما كام خطوه حاول تمشى عليهم

مبدأيا انا حمار فى الانجلش على فكره و مش واخد كورس و لا اى بتنجان بس اى درس انجلش بعيده مره و اتنين و افهم المحتوى الى فيه و لو مفهمتش بسيرش على جوجل بس انا ليه بحب دروس الاجانب اولا بتبقى كامله ثانيا سريعه و ملخصه و فيها المفيد ثالثا تصوير نضيف و صوت كويس مش بلاقى حد بيرجع فى قلب الفيديو

و اخيرا بيشرحو محتوى كويس جدا و نضيف و باساليب جديده و كمان مش بيقفو عند الاساسيات بس لا دول بيشرخو جامد

فدول الكام الكورس الى اتعلمت منهم تقدرو تحملوهم تورنت

Lynda.com - PHP with MySQL Essential Training

دا اول كورس بجد ملاقيتش زيه بيدرس كل حاجه من الاول و بيزكس جدا و غالبا هتقدر تشتغل بى اتش بى بعد متتفرج عليه حلو جدا و فى الاخر كمان عامل مشروع كامل

Lynda.com.PHP.With.MySQL.Beyond.The.Basics

الكورس التانى تكمله للاولانى بيدخل معاك بقا شغل على عالى بال OOP و ازاى تتعامل مع الملفات و كدا و فيهم شويه سيكيورتى كويسن

بالنسبة للحماية دول احسن كورسين شوفتهم حاليا شارحين اغلب الثغرات

Infiniteskills.PHP.Security

PHPSecurityPitfalls

بس برضه متقفش عندهم سيرش ع اليوتيوب و جوجل و افهم اكتر

تالت حاجه انت كدا المفروض بقيت فشيخ تبتدى بقا تدرس سكريبتات اى سكريبت يقف معاك اقراه و افهمه و اتفرج على دروس كتيير اوى لناس بتعمل سكريبتات و اتفرج على طريقة كتابة الاكواد صدقنى من كل فيديو هتستفاد معلومه جديده

رابعا فيه بقا شويه تقنيات حلوه كدا يا سلام لو تتعلمهم زى مثلا Facebook API / PayPal API / Twitter API / Google Apps API like google mab and etc..

دى مثلا لو حابب ادخل شويه حجات من مواقع تانيه عندى فى السايت زى مثلا اعمل سكريبت بيستخدم جوجل ماب مثلا او اعمل سكريبت بيستخدم لوجين باكونت الفيس و هكذا

خامسا لو انت كسلى و مش بتحب تتعب دماغك ممكن تستخدم سكريبتات ادراة محتوى زى

wordpress / joomla / Drupl

هو عموما انا بستخدمهم لما ببقى مستعجل او بروجكت كبير حماده و دول هيخلصونى بس انا بعشق الشغل من الاول خالص فى كل مره بتعلم اكتر و ببدع اكتر و

على قريب ان شاء الله قربت اعمل فريم وورك خاص بيا .. ادعولى بقا

اخر حاجه و دى الى هتفرقك عن اى حد تانى

مع السكريبتات الكبيره انت بتحتاج سرعه فى الاداء و هتلاقى عمليات بتتكر كتيير و كدا فلازم تتعلم تشتغل بفريم وورك و ببساطه جدا هيا تجميعه لاكترية الحجات الى بتستخدمها مرتبة بشكل كويس و منظم و محمية و متظبطة و مش محتاج حاجه غير انك تستخدمها بالطريقه الى موجوده فى شرح الفريم وورك دا

فيه طبعا فريم ووركس كتيير جدا مش لازم تتعلمهم كلهم شفلك واحد و اشتغل بيه عندك

laravel / codeignitor / cakephp / zend

بس كدا دا كل حاجه تتلخص عن البى اتش بى اهم حاجه تبقو حابين الموضوع و شايفين انه مش صعب و لا حاجه كل حاجه سهله بس احنا الى بنكسل