دايماً السؤال اللي بتسأله بعد كل قاعدة او كورس او حتى كونفرسيشن او ايميل هو :

  • إزاي اقدر ازود عدد اللايكس في صفحتي ؟!

بينما دايماً الاجابة بتكون إنه مش هو دا السؤال الصح ، وان السؤال الصح ( إزاي أقدر اخلي الفان بيج بتاعتي - الصفحة - فيها تفاعل اكتر)

المشكلة عندنا دايماً في التفاعل مش في عدد اللايكات ...

تعالى نحسبها بالعقل ، هتعمل ايه بصفحة فيها عدد اللايكات 10 مليون بس لما بتنزل بوست مفيش 10 كومنتات و5 لايكات على بعض ؟؟؟؟

زي قلتها طبعاً ،يعني فعلاً العدد المهول الموجود في الصفحة مفادش في حاجة خالص ، برغم ان فيها ناس كتير ...

وهتبص على PTAT أو الـ People talking about this

هتلاقيه 100 واحد بالكتير !

تخيل معايا ؟!

صفحة فيها 10 مليون ، واللي بيتفاعلوا 100 ؟

تعالوا نشوف مثال لصفحة زي دي ؟

الصفحة الرسمية لتامر حسني ، الصفحة دي على سبيل المثال صفحة فيها 15 مليون معجب والتفاعل عليها اقل من النص مليون -_- مع انها صفحة رسمية ولمطرب مشهور او من المفترض انه مشهور كمان ...

يعني لو حسبناها بحسبه بسيطة قوي التفاعل على الصفحة من 3% وشوية يعني اقل من 4% من المعجبين بالصفحة فعلاً !!

صفحة تامر حسني :

طب مثال لحاجة شغالة كويس شوية ، عندك صفحة ثقف نفسك ودي صفحة قدرت في وصت قصير جداً تجمع 23 مليون معجب ودي بحسبه بسيطة هنلاقي عدد المتفاعلين على الصفحة 10 مليون تقريباً ، يعني بحسبه صغيرة قوي هتلاقي إن 43% من عدد المعجبين الكلي مهتمين بالصفحة ...

تقف نفسك :

طيب تعالوا نشوف حاجة فعلياً عاملة فرق زي راديو ليبنون ، ودي مثلاً صفحة تعتبر بالنسبة للي قبلها قليلة في عدد اللايكات ، يعني مثلاً دي واخدة حوالي 7مليون لايك حلو ؟؟ التفاعل فيها واصل لكام بقى ؟؟ 20 مليون !!! انت قريت صح والارقام مش متلغبطة ! هي فعلاً واخدة عدد لايكات اقل من الناس اللي متفاعلة عليها اصلاً بما يعادل 285% تخيل ؟

راديو ليبنون :

يبقى الفكرة كلها ملهاش علاقة بعدد اللايكات ، انما الموضوع كله ليه علاقة اكتر بالتفاعل ، يبقى احنا يهمنا التفاعل مش اللايكات

طب هو اللايكات الكتير دي بتضر ولا ملهاش ضرر ؟؟

فعلياً ؟ اللايكات الكتير مضرة مبتنفعش ، لان الصفحة خاصة اللي لسة بداية ، ومليانة لايكات هتلاقي التفاعل فيها قليل جداً

الفيسبوك بيعتمد على جودة المحتوى ، وبيقيم دا بمدى تفاعل الناس معاك ، فرضاً لو كتبت بوست والبوست وصل لـعشر اشخاص واتفاعل منهم 5 هيتعرض على ناس اكتر ، اتفاعل منهم ناس هيتعرض على ناس اكتر وهكذا لحد ما يتعرض على ناس كتير متتفاعلش ودا اللي بنقول عليه ُ

Engagement rate

ودا مهم جداً اكتر من عدد اللايكات في الصفحة في الاصل ، ودا في بوست جاي هنعرض ازاي تجيبه وتتعامل معاه وتحسبه لكل بوست وازاي هيفيدك في ان الصفحة تكبر -بس صح- وبشكل طبيعي جداً

هل دا جاوب سؤالك ؟؟

لو استفدت ممكن تسيبلي تعليق او تعمل شير للبوست

المصدر: