لنتناقش فى توزيعة Sphin UX بأخلاقنا لا بأخلاق مطوريها

و على اي اساس اطلقت هذا الحكم يا باشا ؟! :)

ممكن تثبت لنا كده بالدليل القاطع ان المطورين ملاحدة؟! او انهم بيسبوا صحابة؟! او انهم بيضعوا برامج خبيثة -انظر نفس الموضوع فى نفس المنتدى الاجنبي اللي بتستشهد بيه يا عزيزي لتجد ان ناشري الموضوع تراجعوا عن كلامهم بعد دخول احد المطورين لهم فى الصفحات الاخيرة-؟! ممكن دليل على انها اسوأ توزيعة فى التاريخ؟! ممكن دليل على ان حضرتك بتفكر أساساً و لا تطلق اتهامات جزافاً؟!

دينك اللي انت محموق أوي و منتفض للدفاع عنه -ياللي متعرفش جوهر و فلسفة تعاليم دينك- بيصنف حضرتك على انك مدعي و فاسق و ناشر للفتنة !!! يا من جهلت بتعاليم دين الإسلام -أو علمت و لم تطبق- الأولى انك تنتفض للكتابة عن حال مجتمع البرمجيات الحرة العربي و اللي شتته نزاعات طائفية و عرقية و تعصب و جاهلية حمقاء !!! هل دينك يدعو للفتنة؟! هل دينك يدعو للنزاع؟! هل دينك يدعو لعصبية الجاهلية ؟!

اخوك المحبوب عبد المجيب كان بيشخ على روحه -لا مؤاخذه- و مسح الفيديو برضه من كثر ما اصبح تريقة المجتمع العربي !!! و الفيديو موجود عندنا لو تحبوا نرفعوا ثاني للي عايز يتأكد ان عبد المجيب دخل يطلع "القطط الفطسانة" فشاف الكلام العلمي بيتم سرده ازاي و جاب وراء و قال "انه معانا" و لم نتلقى منه حتى نقد بعد الحلقة يساعدنا كما اعلن !!!

مش عبد المجيب ده اللي قال ان الbinary هو سكريبتات مشفرة ؟! مش عبد المجيب ده اللي كان عامل نفسه "مطور" و لما اتزنق جاب وراء و قال "انا مستخدم متقدم" ؟!

على اي حال كونك بتتهم ناس باتهامات زي انهم ملاحدة بدون دليل ده حسابك فيها مع ربنا مش معايا, خصوصاً و ان كاتب السطور دي هو المطور اللي كان فى اخر اللقاء مع عبد المجيب "اللي وراه صورة لينين و ستالين" :) و خصوصاً و ان انا "اشهد أن لا إله الا الله و ان محمداً عبده و رسوله" !!!!! فهبقى اتعلق فى رقبتك يوم الموقف العظيم و ليقتص لي الله منك !!!!!! فكمل بقية حياتك و انت عارف كده :)

اما بالنسبة لبرمجيات خبيثة فاسمح لي اقول للي بيقرأ, مش من المنطقي ان حد يقعد 3 سنين بيكود, يدفع من جيبه مئات الالاف و ياخد مقر و يسافر مؤتمرات و يتم تكريمه من جهات بحثية و هندسية زي:

IEEE (MENA Region)

Arab Academy for Science Technology and Maritime Transport (AASTMT)

كلية الهندسة - جامعة الإسكندرية

كلية هندسة الحاسب الآلي جامعة القاهرة

كلية الهندسة - جامعة المنوفية

و يتم دعوته بواسطة المؤسسات و الجامعات دي للحديث عن برنامج خبيث و يكونوا الناس دي جهلة !!! مش هتكون جنابك سواء انت او مجتمع البرمجيات العربي او اياً يكن بيفهم أكثر من الناس دي !!! ده لو حابب تمشيها بطريقة "مين أجمد من مين" و تقدر تراجع الصور المنشورة فى المجتمع الرسمي و تشوفني و انا بتكرم و تقعد تشتم فى الكيانات اللي حضرتك متحلمش تتكلم مع استاذ جامعة فيها من اللي بعتبرهم اخوة و اصدقاء على المستوى الشخصي ...

كلمة أخيرة: هاتلي اكبر انجاز عمله مجتمع البرمجيات الحرة العربي, و تعالى اوريك انه "هرتلة و شغل سطحي" !!!! و لو فيه مشروع كان بجدية سفينيكس او بحجم تمويل سفينيكس او بنشاط و تطور سفينيكس كنت اشتغلت فيه و مفكرتش فى سفينيكس من الأساس, لكن المسألة اني لقيت اطفال بيقال عليهم اساتذة, و للأسف متعودتش اضيع وقت فى شئ انا متأكد انه وجد كي "يشهر أصحابه" !!!!

و اخيراً, مش مسامح أي حد اتهمني بالالحاد, و وكيلي الله بيني و بينه !!!