《يا اللي هتبقي أحلى أم في الدنيا 》 🤱
داخلة على دنيا جديدة و حاسة بيكي و حاسة بكل خطوة بتمري بيها و هتمري بيها و مقدرة كل تعب و عارفة إنك مش بتدلعي زي ما بيقولولك ...
عارفه أنه من حقك تقلقي و تسألي و تطمني ، زي ما أنا عارفة أنه كتير من التغييرات اللي بتمري بيها بتحصل غصب عنك ...
لكن عشان انت قوية و لازم تكوني أم قد المسئولية ، لازم تعرفي كل خطوة بتمري بيها و لازم تفهمي سببها و لازم قدر الإمكان تتغلبي عليها .
و اطمني ... كل أهلك و اصحابك و حبايبك معاكي و كلهم مقدرين تعبك ، إيد بإيد و خطوة بخطوة عشان توصلي بعد رضا و معية ربنا للهدوء و الأمان ...
و نقول بسم الله ... 🌼
# يا ترى سمعتي عن ال TOKOPHOBIA ?
# و لو سمعتي ، ايه المعلومات اللي قدرتي تستفيدي بيها من الموضوع ده ؟
# طيب قدرتي تتغلبي عليه بنسبة قد ايه ؟
#اتعرضتي له قبل الحمل و لا خلاله ؟؟
#اتعرضتي له في أول حمل فقط و لا اتكرر فيما بعد ؟؟
# تجاوزتيه لوحدك و لا بمساعدة الطبيب ؟؟
# تحبي تشاركينا تجربتك ؟؟
------------------------------------------
لن استطيع انكار معاناة العديد من السيدات من ال 《 Tokophobia》 أو ما يطلق عليه
《رهاب الحمل أو الولادة فيما بعد 》 ..
و أنا شخصيا قد رأيت ثلاثة حالات خلال ممارستي الطبية حتى الآن و هو عدد ليس بالقليل !!
و للأسف هو اضطراب نفسي قد يغفله الكثيرون ، و يتعامل المجتمع المحيط مع الأم على أنه محض مبالغة مما قد يؤدي الى تطور الحالة و التأثير على كل من الأم و الجنين ...
و الاضطراب غالبا يتمثل في خوف شديد من فكرة الحمل أو الولادة و هو يختلف عن الخوف الفسيولوجي الطبيعي حيث يصاحبه عدة أعراض سنناقشها فيما بعد 《و يعييييق السيدة عن ممارسة حياتها بشكل طبيعي 》..
فمثلا تلجأ لاستخدام موانع الحمل بصورة هيستيرية أو تلجأ للولادة القيصرية هربا من آلام الولادة الطبيعية و في بعض الحالات قد تفكر الأم في الإجهاض للتخلص من الجنين !!
فطبيعة الحمل ذاتها و التغييرات الفسيولوجية و الهرمونية و الاجهاد الذهني و البدني قد يكونوا من أقوى المسببات و لكن بفضل الله ، تستطيع معظم السيدات أن تتغلب على مثل هذه المشاعر و الأفكار ..
و لكن ،،، عندما يتطور الأمر إلى إعاقة الحياة و منع السيدة من مجرد التفكير في الحمل او الاقبال عليه او أن تتملك فكرة انهاء الحمل من الأم ، فرجاااء انتبهي و انتبهوا جميعا !!!
#بيت_العافية_الكبير 🏡
د.ياسمينا شاهين
طبيب أمراض نساء و توليد بكلية طب القصر العيني -جامعة القاهرة ..
التعليقات