هوس المبرمج المحترف وازاى ابقى واحد بروفيشنال فى مجالى

اى حد لسه بادىء مشواره فى البرمجه او شايف نفسه مستواه اقل من ناس او نفسه يبقى محترف بجد

اولا لازم تكون فاهم وعارف كويس جداااا ان اى حد محترف دلوقتى كان فى يوم من الايام شخص عادى جدا وميعرفش حاجه من عن البرمجه لا ده كمان مكنش يعرف انه فى كمبيوتر من الاخر كده كلنا بنتولد واحنا معلومتنا صفر وده عدل من عند ربنا

معنى كده ان المبرمج المحترف ده مش سوبر مان او شخص رهيب او انه غير عادى وملوش حل

طيب ايه اللى وصله للاحتراف وازاى ابقى زى الشخص ده

ركز فى السؤالين دول كويس

ركزت.....طيب

مبدأيا كده السؤال التانى اللى هو ازاى ابقى زى الشخص ده غلط انك تساله لنفسك اعمل لنفسك كيان خاص بيك

السؤال الاول وده المهم ازاى اوصل للاحتراف

الاجابه بسيطه جداااااااااا بس مش سهله

التعليم انك تتعلم الحاجه اللى انت عاوز تبقى محترف فيها او بمعنى اصح بتحبها لانك مش هتبقى محترف فى حاجه غير لما تكون حاببها

طيب التعليم نوعان ايه هما

-الاول: هو الاشياء التى نتعلمها ونعرفها(وده بيبقى عن طريق انك بتتعلم فى المدرسه وفى الجامعه وعن طريق الفيديوهات)

بس ده من وجهة نظرى مش هيوصلك للاحتراف ايا كان السبب بقى انه التعليم فى الانظمه التعليمه مش صح او حتى فى الفيديوهات مش كامله او الكورس بتاع لغة البرمجة ده مش كامل حتى لو كامل مش هيوصلك للاحتراف

-الثانى: هو الممارسة التى تعلمنا كيف نكتشف ما لا نعرفه(ودى اهم حاجه)

ده بقى اللى هيوصلك للاحتراف الممارسه ثم الممارسه ثم الممارسه

ده بيضيفلك خبره والخبره هى الاحتراف فى المجال الخبره انك لما تواجهك مشكله فى كود تعرف تحلها وتعرف تعمل سيرش عليها وتعرف ممكن تسال مين وتعرف بيها حاجات كتيره جدا

متزعلش انك دلوقتى حد مش محترف او المعلومات عندك قليله او خبرتك مش كافيه او حتى قدمت فى شركه وعملت انترفيو واترفضت

وكمان متزعلش لو عملت حاجه وقلت انا ليه مش عملتها من زمان لان زمان كانت خبرتك او معلوماتك مش كبيره انما دلوقتى انت قدرت تعملها وخبرتك بقى كويسة ومعلوماتك فى زياده

اعتمد على نفسك واعتمد اكتر على النوع التانى من التعليم اللى هو الممارسة لان ده بيفيدك اكتر

اخر حاجه

-المحترفين اشخاص عاديه وكمان انت ممكن تكون عندك معلومه مش عنده

-انت محترف المستقبل

بالتوفيق