اجراءات تأسيس شركة برمجيات أو شركة تصميم مواقع انترنت

فـــي مصـــر

التكاليف : 1000 جنية تقريباً

رأس المال المسجل: 10 آلاف جنية أو أكثر

وقت التأسيس :48 ساعة عمل = يومان تقريباً

نوع الشركة : منشأة فردية (شركة الشخص الواحد) = شركة فردية

مكان تقديم الخدمة أو التأسيس: مبني الشباك الواحد (الهيئة العامة للاستثمار)

                              (صلاح سالم - بجوار معرض الكتاب)

ملحوظة : (لا تذهب إلي محــام للاعتماد عليه .. لأن الخطوات التالية بيعملها المحامي بمبلغ تكاليف عالفاضي.. أعملها بنفسك لأنك منشأة فردية .. لاحاجة لمحامي اصلاً)

::::::::::::: الخـــــــــطـــــــــوات :::::::::::::

أولاً : هتروح بعقد إيجار المكتب إلي الشهر العقارى في منطقتك عشان تعمل (إثبات تاريخ).

 ثانياً : الذهاب إلي مقر التأسيس لإكمال باقي الخطوات من مكان واحــــد فقط. وهو المكان اللي هتعمل فيه التالي: - السجل التجارى - والبطاقة الضريبية (الزامي ومطلوبين فقط) - مزاوالة المهنة (اختيارى) - والتأمينات (اختيارى)

 مكان تقديم الخدمة أو التأسيس: مبني الشباك الواحد (الهيئة العامة للاستثمار) (صلاح سالم - بجوار معرض الكتاب)

1- مباشــرة لو انت تنزل القاهرة - هتروح وزارة الصناعة والتجارة اللى فى اول صلاح سالم (بجوار المعرض).... ازاي تروح.... من مترو العتبة..... تركب مترو الخط الثالث وتنزل محطة المعرض مباشرة عندها !

ومعاك صورة البطاقة الشخصية + صورة العقد اللى انت عملت عليه إثبات تاريخ (لازم تعمله قبل ماتروح من الشهر العقارى التابع لمنطقة المكتب طبعا)

2- ولما بتروح بتطلع اول دور عند قاعة التأسيس (مبني الشباك الواحد) هيدلوك بالضبط هتعمل اية في المكان كله فقط هتقول للاستعلامات:

عايز اعمل (منشأة فردية) بيديك استمارة ورقم تملئ الاستمارة منشئة فردية وتكتب رأس المال مثال: 10 الف جنية (عشرة آلاف جنية مصرى) وهذا كلام علي الورق فقــط.

3- وبعد لما يجى رقمك بتدخل للموظف (هو محامي) بيقوم بعمل كل الاجراءات بس مافيش تصميم مواقع ( اسمها برمجيات ) وهو الراجل بيديك ورقة تختار منها اى نشاط انت فى البرمجيات إلي جانب إضافة نشاط إضافي مثل (التسويق)

4- بعدين بيقولك انزل اعمل ايداع فى فرع مخصص تبع البنك (في نفس الدور والمكان هتلاقي شباك للدفع البنكي) وبعدين بتطلع للموظف تانى بتديلو الوصل بتاع الدفع

5- وبعد كدة بتستنى حوالى ساعة كدة او ممكن تيجي تاني يوم وتستلم السجل التجارى (لهم شباك آخر في نفس الدور).

6- وانت هناك بردة تقوم داخل على الضرائب وتقولهم عايز اعمل بطاقة ضريبة بردة بتملئ استمارة كدة وتيجى تستلم البطاقة (تانى يوم).... بعض المحافظات بيقولولهم استلموا البطاقة الضريبية من اقرب مركز ضرائب في محافظتك او منطقتك.

(نقطة هامة) المهم انك لازم تقدم عقد ايجار المكتب اللى هتبقى فى الشركة فى خلال سنة من اصدار السجل والا بعد سنة بيسقط السجل اوتوماتيك .

<<<<<<< بعد ما تستلم السجل والبطاقة تروح الغرفة التجارية اللى مقر النشاط تابع ليها تتطلع شهادة مزاولة مهنة (شركة برمجيات) ولها اجراءات أخري (وهي غير هامة لمن يمارس العمل بشكل فردي).

ثالثاً : تسجيل الدومين الرسمي (اختيارى)

وذلك عشان تكسب ثقة العملاء وتثبت للناس انك شركة رسمية من خلال موقعك.

خطوات تسجيل اسم موقعك الرسمي: للحجز من موقع (لينك داتا سنتر )

التكلفة: 240 جنية (سنوياً)

المطلوب: تقديم ورق السجل التجاري للشركة المسجلة لاسم موقعك وسوف يتواصل معك احد ممثلي خدمة العملاء من الشركة لارسال الملفات كلها والدفع اون لاين عبر الموقع الالكتروني أو من مقر الشركة بالمعادي- القاهرة.

مثال لو اسم الشركة (هوست) هيطلع الدومين بالشكل دة (name.com.eg)

فاخد بالك وانت بتأسس الشركة انه يكون على اسم الدومين.

وأخيــراً: بعد تسجيل الشركة أخواني الكرام، عليكم بالتسجيل في مواقع رسمية وهي كالآتي:

1- دليل جوجل للأعمال Google Business (هام للغاية) www.google.com/business

وذلك من أجل وضع اسم وبيانات شركتك في محركات البحث عند البحث عنك.

2- دليل مصر للاعمال (هام) egyptbusinessguide.com

وهو دليل الغرفة التجارية للأعمال في مصر.

3- دليل الشركات المصرية (هام) www.tpegypt.gov.eg

وهو دليل لنقطة التجارة الدولية المصرية التابع لوزارة الصناعة والتجارة في مصر.

4- أدلة الأعمال المختلفة www.yellowpages.com.eg

www.egypt-business.com

www.dalili.com.eg

www.momtaz-map.com

________________

الحصول علي التمويل والدعم التقني:

1- مايكروسوفت مركز دعم الشركات الناشئة Microsoft BizSpark

www.microsoft.com/bizspark

سوف تعطيك مايكروسوفت مصر (منحة للشركات الناشئة بقيمة 120 الف دولار في صورة برمجيات مايكروسوفت لمدة 3 سنوات بشرط أن لاتكون شركتك عدي عليها 5 سنوات في التأسيس "جديدة").

2- تكنولوجيا المعلومات (ايتديا)

www.itida.gov.eg

ممكن تعطيك كورسات أو ورقة توصية للحصول علي قروض لشركتك كما انك ممكن تستفاد من برامج دعم الابداع (لوعندك اختراع أو برنامج عاوز دعم ليه بشرط طبعا انه يكون مفيد للحكومة لأنها جهه حكومية)

الشروط: وجود السجل التجاري والبطاقة الضريبية والبطاقة وملئ البيانات من خلال الموقع ثم سيتواصل معك مسئول متخصص علي التليفون وهيرسلوا شخص للتأكد من وجود المكتب والتحقق منك.

وبالتوفيق...