انا مهتم بالتجاره الاليكترونيه بالرغم من سني الكبير خمسه وستين سنه لهدف واحد بس اني اعرف هل هيه نصب واحتيال و لا حقيقه ، انا اخدت دبلومه من جامعة القاهره في التجاره الاليكترونيه و فعلا طبقت اللي اتعلمته وكسبت والحمد لله علي رزقه الحلال ، وعندما وجدت ان الدراسه فيها حشو كتير قلت اشرح للشباب بإختصار ازاي يعملوا الحكاية دي ويكسبوا علي طول من غير ما يلفوا ويدوروا ويبحثوا كثيرا ، احب ان انقل لكم اول تجربه ليه في الربح من النت وكانت مع جوجل ، اذ اكتشفت بالمصادفه حاجه اسمها جوجل ادسنس وفعلا بدأت في الدعبسه لحد ما وصلت لقمه النجاح في الحكاية دي و بإختصار شديد انك تحصل علي كود اعلاني لوضعه في موقعك وتظهر اعلانات في موقعك حسب المقاله التي يتم نشرها فمثلا لو نشرت مقاله عن الفوركس ستظهر لك اعلانات الشركات المتخصصه في الفوركس و كلما نقر زوار موقعك علي هذه الاعلانات كلما حصلت علي عمولات تدفع لك بشيك . المشكله الوحيده هنا ان لو حد من اصحابك او قريبك نقر علي الاعلانات دي بشكل منتظم فسوف يسحب جوجل ترخيص الاعلانات بتاعك فنصيحتي الا تنقر علي اعلاناتك او تطلب من احد النقر عليها حتي ولو كان هذا الاحد في بلد اخر غير بلدك .

ولو اي حد يحب يعرف بالتفاصيل انا جاهز وتقبلوا تحياتي